ಅಪ್ಪಾರಾವ ಸೌದಿಗೆ ರಾಜ್ಯ ಪ್ರಶಸ್ತಿ ಪ್ರಧಾನ

 

ಬೀದರ್: ಕಲ್ಪತರು ನಾಡು, ಜಕಣಾಚಾರಿಗಳ ಬೀಡು, ಸಿದ್ದಗಂಗೆಯ ತವರೂರು ಆದ ತುಮಕೂರಿನ ಸಿದ್ದಾರ್ಥ ತಾಂತ್ರಿಕ ಮಹಾವಿದ್ಯಾಲಯದ ಆವರಣದಲ್ಲಿ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ರಾಜ್ಯ ಘಟಕ ಹಾಗೂ ತುಮಕೂರು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘಗಳ ಜಂಟಿ ಆಶ್ರಯದಲ್ಲಿ ಶನಿವಾರ ಹಾಗೂ ಭಾನುವಾರ ಜರುಗಿದ ೩೯ನೇ ಪತ್ರಕರ್ತರ ರಾಜ್ಯ ಸಮ್ಮೇಳನದಲ್ಲಿ ಭಾನುವಾರ ಸಂಜೆ ಪ್ರಶಸ್ತಿ ಪ್ರಧಾನ ಸಮಾರಂಭ ಜರುಗಿತ್ತು. 

ಕನ್ನಡಪ್ರಭ ದಿನಪತ್ರಿಕೆಯ ಕಲ್ಬುರ್ಗಿ ಆವೃತ್ತಿಯ ಮುಖ್ಯಸ್ಥರಾದ ಹಿರಿಯ ಪತ್ರಕರ್ತ ಅಪ್ಪಾರಾವ ಸೌದಿ ಅವರಿಗೆ ಈ ವರ್ಷದ ರಾಜಕೀಯ ವಿಮರ್ಶಾತ್ಮಕ ಅತ್ಯುತ್ತಮ ವರದಿಗೆ ಖಾದ್ರಿ ಶಾಮಣ್ಣ ರಾಜ್ಯ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಮುಖ್ಯಮಂತ್ರಿಗಳ ಮಾಧ್ಯಮ ಸಲಹೆಗಾರರಾದ ಕೆ.ವಿ ಪ್ರಭಾಕರ್, ಶಾಸಕರಾದ ಸುರೇಶ್ ಗೌಡ,  ಸುರೇಶ ಬಾಬು, ಜಿಲ್ಲಾಧಿಕಾರಿ ಶುಭ ಕಲ್ಯಾಣ್, ಮುಖಂಡರಾದ ನಾಗರಾಜ, ಹಾಗೂ ಇತರೆ ರಾಜಕಾರಣಿಗಳು, ಹಿರಿಯ ಪತ್ರಕರ್ತರಾದ ಪಿ.ಸಾಯಿನಾಥ, ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯಾಧ್ಯಕ್ಷರಾದ ಶಿವಾನಂದ ತಗಡೂರು, ರಾಜ್ಯ ಪ್ರಧಾನ ಕಾರ್ಯದರ್ಶಿ ಜಿ.ಸಿ ಲೋಕೇಶ, ಉಪಾಧ್ಯಕ್ಷ ಭವಾನಿಸಿಂಗ್ ಠಾಕೂರ್, ಪುಂಡಲೀಕ ಬಾಳೋಜಿ, ಅಜ್ಜಮಾಡ ರಮೇಶ ಕುಟ್ಟಪ್ಪ, ಕಾರ್ಯದರ್ಶಿಗಳಾದ ಸೋಮಶೇಖರ್ ಕೆರಗೋಡು, ನಿಂಗಪ್ಪ ಚಾವಡಿ, ಮತ್ತಿಕೆರೆ ಜಯರಾಮ್, ಖಜಾಂಚಿ ವಾಸುದೇವ ಹೊಳ್ಳ, ತುಮಕೂರು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಪುರುಷೋತ್ತಮ, ಪ್ರಧಾನ ಕಾರ್ಯದರ್ಶಿ ರಘುರಾಮ, ರಾಜ್ಯ ಕಾರ್ಯಕಾರಣಿ ಸಮಿತಿ ಸದಸ್ಯ ಸಿದ್ದಲಿಂಗ ಸ್ವಾಮಿ, ಬೀದರ್ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಶಿವಕುಮಾರ ಸ್ವಾಮಿ, ಜಿಲ್ಲಾ ಕಾರ್ಯಕಾರಿಣಿ ಸಮಿತಿ ಸದಸ್ಯ ಶರದ್ ಘಂಟೆ, ಪತ್ರಕರ್ತರಾದ ಪ್ರದೀಪ ಬಿರಾದಾರ್, ಶಿವಕಾಂತ ಸ್ವಾಮಿ ಹಾಗೂ ಇತರರು ಈ ಸಂದರ್ಭದಲ್ಲಿ ಹಾಜರಿದ್ದರು. ಪತ್ರಕತೇ ಸುಕನ್ಯಾ ಕಾರ್ಯಕ್ರಮ ನಿರೂಪಿಸಿದರು.

ಬೀದರ್ ಪರ್ತಕರ್ತರಿಂದ ಸೌದಿ ಸನ್ಮಾನ

ಬೀದರ್: ಜಿಲ್ಲೆಯ ಹಿರಿಯ ಪತ್ರಕರ್ತರು ಹಾಗೂ ಭಾರತೀಯ ಕಾರ್ಯನಿರತ ಪತ್ರಕರ್ತರ ಒಕ್ಕೂಟದ ರಾಷ್ಟ್ರೀಯ ಮಂಡಳಿ ಸದಸ್ಯರಾದ ಅಪ್ಪಾರಾವ ಸೌದಿ ಅವರಿಗೆ ಭಾನುವಾರ ಸಂಜೆ ತುಮಕೂರಿನಲ್ಲಿ ೩೯ನೇ ಪತ್ರಕರ್ತರ ರಾಜ್ಯ ಸಮ್ಮೇಳನದಲ್ಲಿ ಖಾದ್ರಿ ಶಾಮಣ್ಣ ರಾಜ್ಯ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. 

ಸನ್ಮಾನ ಸ್ವೀಕರಿಸಿದ ಬಳಿಕ ಬೀದರ್ ಜಿಲ್ಲಾ ನಿಯೋಗದ ವತಿಯಿಂದ ಅಪ್ಪಾರಾವ್ ಸೌದಿ ಅವರಿಗೆ ಸನ್ಮಾನಿಸಲಾಯಿತು. ಈ ಸಂದರ್ಭದಲ್ಲಿ ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶಿವಕುಮಾರ ಸ್ವಾಮಿ, ಜಿಲ್ಲಾ ಕಾರ್ಯಕಾರಿಣಿ ಸದಸ್ಯ ಶರದ್ ಘಂಟೆ, ಸದಸ್ಯರಾದ ಪ್ರದೀಪ್ ಬಿರಾದಾರ್ ಶಿವಕಾಂತ ಸ್ವಾಮಿ ಇದ್ದರು.

ನಿರ್ಭಿಡತೆಯ ಶರಣ ಅಂಬಿಗರ ಚೌಡಯ್ಯ

 

ಭಾರತದ ಸಂವಿಧಾನ, ಸಂಸತ್ತು ಮತ್ತು ಪ್ರಜಾಪ್ರಭುತ್ವ ವ್ಯವಸ್ಥೆಗೆ  8 ಶತಮಾನಗಳಷ್ಟು ಹಿಂದೆಯೇ ಮುನ್ನುಡಿ ಬರೆದವರು ನಮ್ಮ 12ನೇ ಶತಮಾನದ ಬಸವಾದಿ ಶಿವಶರಣರು. ಸಮಸ್ತ ಪ್ರಜೆಗಳಿಗೆ ಜನತಂತ್ರ ವ್ಯವಸ್ಥೆಯ ಪರಮಾಧಿಕಾರ, ವ್ಯಕ್ತಿ ಸ್ವಾತಂತ್ರ್ಯ ಹಾಗೂ ಮೂಲಭೂತ ಹಕ್ಕುಗಳಿಗೆ ಸರ್ವ ಸಮಾನತೆಯೆಂಬ ಕನ್ನಡಿ ಹಿಡಿದವರೇ ಶಿವಶರಣರು. ತಮ್ಮ ವಚನಗಳ ಮೂಲಕ  ಅಂದು ಸಾರಿದ ಸಮಾನತೆಯ ಮೌಲ್ಯಗಳು ಇಂದಿಗೂ ಪ್ರಸ್ತುತವಾಗಿವೆ.12ನೇ ಶತಮಾನ ಎನ್ನುವುದು ಈಗಲೂ ನಮ್ಮನ್ನು ಭಾವನಾತ್ಮಕವಾಗಿಯೇ ಆಳುತ್ತಿದೆ. ಆಚರಣೆಗಳ ಭಾರಕ್ಕೆ ಬಗ್ಗಿ ಹೋಗಿದ್ದ ಸನಾತನ ಸಂಸ್ಕೃತಿಯಲ್ಲಿ ಬೆಳೆದಿದ್ದ ಕೀಳರಿಮೆಯನ್ನು ಅಂದು ವಚನ ಸಂಸ್ಕೃತಿಯೆಂಬ ಧಾರ್ಮಿಕ ಸಮತಾವಾದದ ಕ್ರಾಂತಿಯು ಆವರಿಸಿಕೊಂಡಿತ್ತು. ತನ್ನ ಸ್ನೇಹಮಯ ಸರಳವಾದ ಭಾಷೆಯ ಮೂಲಕ ಜನರ ನಾಡಿ ಮಿಡಿತದೊಳಗೆ ನುಗ್ಗಿ ಎಲ್ಲ ವರ್ಗಗಳ ವಿವೇಕ ಜಾಗೃತಿಯ ಕೆಲಸವನ್ನು ಕನ್ನಡ ನಾಡಿನ ಪುಣ್ಯ ಭೂಮಿಯ ವಚನ ಸಾಹಿತ್ಯವು ಪರಿಣಾಮಕಾರಿಯಾಗಿ ಕೆಲಸ ಮಾಡಿತ್ತು. ಆ ಧಾರ್ಮಿಕ ಕ್ರಾಂತಿಗೆ ಶೋಷಿತ ವರ್ಗಕ್ಕೆ ಬೆನ್ನೆಲುಬಾಗುವ ಆಶಯವಷ್ಟೇ ಇರಲಿಲ್ಲ. ಎಲ್ಲೆಡೆಯೂ ಸಮಾನತೆಯ ತತ್ವವನ್ನು, ಜಾತಿ ರಹಿತ ವ್ಯವಸ್ಥೆಯನ್ನು ನಿರ್ಮಾಣ ಮಾಡುವ ನಿಷ್ಕಳಂಕ ಕಾಳಜಿಯೂ ಶರಣರಿಗಿತ್ತು.

ಬಸವಣ್ಣ, ಅಲ್ಲಮಪ್ರಭು, ಅಂಬಿಗರ ಚೌಡಯ್ಯ,

ಅಕ್ಕಮಹಾದೇವಿ, ಮಾದಾರ ಚೆನ್ನಯ್ಯ, ಹಡಪದ ಅಪ್ಪಣ್ಣ, ಒಬ್ಬರೇ ಇಬ್ಬರೇ! ಹತ್ತಾರು ಶಿವಶರಣರು ಸಮಾಜದ ಅಂಧ ಮೂಢನಂಬಿಕೆಯ ಹೀನಪದ್ದತಿಯನ್ನು ಕಿತ್ತೊಗೆಯಲು ಪಣತೊಟ್ಟು ಸಮಾಜದ ಅಂತ:ಸತ್ವವನ್ನು ಬಡಿದೆಬ್ಬಿಸಿದ್ದರು.   ವಚನ ಸಂಸ್ಕೃತಿಯು ಸಮಾಜಕ್ಕೆ ನೀಡಿದ ಕ್ರಿಯಾತ್ಮಕ ಬೆರಗು, ಒದಗಿಸಿದ ಆರೋಗ್ಯಕರ ಬೆಳವಣಿಗೆಗೆ ನಾಂದಿಯಾಯಿತು. ಆದ್ದರಿಂದಲೇ ಹನ್ನೆರಡನೇ ಶತಮಾನದ ವಚನ ಚಳವಳಿ ಸಮಾಜದ ಮೇಲೆ ಬೀರಿದ ಪ್ರಭಾವ ಅನನ್ಯವಾದರಿಂದ, ಸಮಾಜದ ನಾನಾ ಸ್ತರದವರು ಅನುಭವಮಂಟಪದ ಮೂಲಕ ತಮ್ಮೊಳಗಿನ ಬೆಳಕನ್ನು ಕಂಡುಕೊಂಡರು, ಜನಸಾಮಾನ್ಯರಿಗೂ ಬೆಳಕಾದರು. ಆ ಕಾಲದ ಶಿವಶರಣರು ಹಾಗೂ ವಚನಕಾರರಲ್ಲೊಬ್ಬರಾದ ಅಂಬಿಗರ ಚೌಡಯ್ಯನವರು ಪ್ರಮುಖವಾಗಿ ನಮಗೆಲ್ಲರಿಗೂ ಎದ್ದು ಕಾಣುತ್ತಾರೆ. ಪ್ರಯುಕ್ತ ಶಿವಶರಣ ಅಂಬಿಗರ ಚೌಡಯ್ಯನವರ ವಚನ ಸಾಹಿತ್ಯದ ಕುರಿತ ಹಾಗೂ ಅವರ ನಿಸ್ವಾರ್ಥ ಸೇವೆಯ ಬಗ್ಗೆ ಇಲ್ಲಿ ಬರೆಯುವ ಪ್ರಯತ್ನ ಮಾಡಿರುತ್ತೇವೆ ಆತ್ಮೀಯ ಬಂಧುಗಳೇ.  

 

ಶಿವಶರಣ ಅಂಬಿಗರ ಚೌಡಯ್ಯನವರು 12ನೇ ಶತಮಾನದ ಬಸವಣ್ಣನವರ ಅನುಯಾಯಿ ಶರಣರು. ಉಳಿದೆಲ್ಲ ವಚನಕಾರರಿಗಿಂತ ಭಿನ್ನ ಹಾಗೂ ವಿಶಿಷ್ಟ ವ್ಯಕ್ತಿತ್ವ ಇವರದು. ವೃತ್ತಿಯಿಂದ ಅಂಬಿಗ, ಪ್ರವೃತ್ತಿಯಲ್ಲಿ ಅನುಭಾವಿ. ನೇರ ನಿರ್ಭೀತ ನುಡಿಗಳಿಂದ ವಚನಗಳನ್ನು ಬರೆದಿರುವುದು ಗೋಚರಿಸುತ್ತದೆ. ಬಸವಣ್ಣನವರ ಅನುಭವ ಮಂಟಪದಲ್ಲಿ ಸಮಾನ ಭೂಮಿಕೆಯ ಸಮಾತಾ ತತ್ವದಲ್ಲಿ ಸೇರಿಕೊಂಡವರು ಹಾಗಾಗಿ

ಸಾವಿರಾರು ವರ್ಷಗಳಿಂದ ಧರ್ಮ-ದೇವರುಗಳ ಬಗೆಗೆ ಜನ ಸಮೂಹದಲ್ಲಿದ್ದ ಮೂಢನಂಬಿಕೆಗಳನ್ನೆಲ್ಲ ಗುರು ಬಸವಣ್ಣನವರೊಂದಿಗೆ ಅಂಬಿಗರ ಚೌಡಯ್ಯ ಹೊಡೆದೋಡಿಸುತ್ತಲೇ ವಿಚಾರ ಪರ ವಾದ, ವಾಸ್ತವವಾದ ಅಂಶಗಳನ್ನು ಜನಮನದಲ್ಲಿ ಮೂಡಿಸಿದರು. ಧರ್ಮ-ದೇವರು ಕೇವಲ ಶ್ರೀಮಂತರ ಸೋತ್ತಾಗಿದ್ದ ಅಂದಿನ ಸಂದರ್ಭದಲ್ಲಿ ಪೂಜೆ-ಮೋಕ್ಷ ಕೇವಲ ನೇಮವಂತರ, ವೈದಿಕರ ಗುತ್ತಿಗೆಯಾಗಿದ್ದ ಸಮಯದಲ್ಲಿ ಭಾಷ್ಯಕಾರರು ಹೇಳಿದ್ದೇ ಸರಿಯೆನ್ನುವ ವ್ಯವಸ್ಥೆಯಲ್ಲಿ ಚೌಡಯ್ಯನವರು ಈ ಮೂವರನ್ನು ಕ್ರೂರ ಕರ್ಮಿಗಳೆಂದು, ಸಂದೇಹಿಗಳೆಂದು ಕಟುವಾಗಿ ಟೀಕಿಸುವುದರ ಮೂಲಕ ಇವರು ಹೋದ ದಾರಿಯಲ್ಲಿ ಯಾರೂ ಹೋಗಬಾರದೆಂದು ತಮ್ಮ ವಚನಗಳ ಮೂಲಕ ಸ್ಪಷ್ಟಪಡಿಸಿದ್ದಾರೆ. ಇವರ ವಚನಗಳು ತುಂಬಾ ಖಾರವಾಗಿರುವುದು ಅವರ ಆತ್ಮ ಬಲವನ್ನು ಹಾಗೂ ಸತ್ಯವನ್ನು ಪ್ರತಿಪಾದಿಸುವಲ್ಲಿ ಹೊಂದಿದ್ದ ಧೈರ್ಯವನ್ನು ತೋರಿಸುತ್ತದೆ.

ಹಾಗೆ ಅಂಬಿಗರ ಚೌಡಯ್ಯ ವಚನಕಾರರೆಲ್ಲರಲ್ಲಿ ಇದ್ದ ಸುಶಿಕ್ಷವಾದ ಅಭಿವ್ಯಕ್ತಿ ಮಾರ್ಗವನ್ನು ತುಳಿಯಲಿಲ್ಲ. ತನ್ನ ಹತಾಶೆ, ನೋವು, ಬೇಗುದಿ ಎಲ್ಲವನ್ನೂ ಅವರು ತನ್ನದೇ ತೀಕ್ಷ್ಣಪದಗಳ ಆಡುನುಡಿಯ ಮೂಲಕ ನಿರ್ಭಿಡೆಯಿಂದ ಬೆತ್ತಲಾಗಿಸುತ್ತಾ ಹೋದರು. ಅಲ್ಲದೇ ಎಲ್ಲಾ ವಚನಕಾರರ ಹಾದಿಯಲ್ಲಿ ತಾನು ನಡೆಯದೇ ಇಷ್ಟ ದೈವದ ಬದಲಿಗೆ ತನ್ನದೇ ಹೆಸರನ್ನು ತನ್ನ ವಚನಗಳ ಅಂಕಿತವಾಗಿ ಬಳಸಿಕೊಂಡು ಸಮಾಜದ ಓರೆಕೋರೆಗಳನ್ನು ತಿದ್ದುವ ಯತ್ನ ಮಾಡಿದ ಧಿಮಂತ ಶರಣ. ಅಂಬಿಗರ ಚೌಡಯ್ಯ ನಿಜಾರ್ಥದಲ್ಲಿ ಬಂಡಾಯ ವಚನ ಸಂಸ್ಕೃತಿಯ ಹರಿಕಾರ. ವಚನ ಸಂಸ್ಕೃತಿಯ ಆ ತರ್ಕದ ಲೆಕ್ಕಾಚಾರಗಳಿಂದ ದೂರವುಳಿದು ಗಟ್ಟಿ ಮೌಲ್ಯಗಳ, ನಿರ್ಭಿಡೆಯ ನುಡಿಗಟ್ಟುಗಳ ಮೂಲಕ ಸಮಾಜದ ಓರೆಕೋರೆಗಳನ್ನು ಬೆತ್ತಲೆಯಾಗಿಸಿದ ಚೌಡಯ್ಯನ ಆಕ್ರೋಶದ ಅಭಿವ್ಯಕ್ತಿಯ ಹಾದಿ ಇಂದಿಗೂ ನಮ್ಮನ್ನು ಬೆಚ್ಚಿಸಿ ವಿಸ್ಮಯಗೊಳಿಸುತ್ತದೆ. ಚೌಡಯ್ಯ ಈಗ ಒಂದು ಜಾತಿಯ ಸ್ವತ್ತಾಗಿ ಸೊರಗಿದ್ದಾರೆ ಮತ್ತು ಅವರಷ್ಟೇ ಅಲ್ಲ, ಎಲ್ಲ ಶರಣರೂ ಒಂದೊಂದು ಜಾತಿಗೆ ಸೀಮಿತವಾಗಿಬಿಟ್ಟಿದ್ದಾರೆ. ಆಯಾ ಜಾತಿಯ ಇಂದಿನ ಜನಸಂಖ್ಯೆಯ ಪ್ರಾಬಲ್ಯದ ಮೇಲೆ ಆಯಾ ಶರಣರ ಸಂದೇಶಗಳು ಪ್ರಸ್ತುತತೆಯ ಪ್ರಚಾರದ ಕೀರ್ತಿಯನ್ನು ಗಳಿಸಿಕೊಳ್ಳುತ್ತಿರುವುದೂ ವಿಷಾದದ ಸಂಗತಿಯಾಗಿದೆ. ಇನ್ನು ಅಂಬಿಗರ ಚೌಡಯ್ಯ ಶರಣರ ವಿಷಯದಲ್ಲಿಯಂತೂ, ಶರಣನಾಗಲು ಅವರು ದೀಕ್ಷೆ ನೀಡಿದ ಲಿಂಗಾಯತ ಧರ್ಮ ಅವರನ್ನು ಒಂದೆಡೆಗೆ ಎಳೆಯುತ್ತಿದ್ದರೆ. ಅವರು ಜನಿಸಿದ ಮೂಲಜಾತಿಯ ಬಂಧುಗಳು ಅವರನ್ನು ತಮ್ಮ ಸಾಮಾಜಿಕ ಅಸ್ತಿತ್ವದ ಕುರುಹಾಗಿ ಸ್ವೀಕರಿಸಿ ತಮ್ಮೆಡೆಗೆ ಸೆಳೆದುಕೊಳ್ಳುವ ಪ್ರಯತ್ನ ಮಾಡುತ್ತಿದ್ದಾರೆ. ಇದು ಎಲ್ಲೋ ಒಂದು ಕಡೆ ನೋವಿನ ಸಂಗತಿಯಾಗಿದೆ.

ಅದಕ್ಕಾಗಿಯೇ ಎಲ್ಲರ ಹತ್ತಿರ ಕೇಳಿಕೊಳ್ಳುವುದು ಇಷ್ಟೇ, ಚೌಡಯ್ಯ ಶಿವಶರಣರು ಸಾಗಿದ ದಾರಿಯಲ್ಲಿ ನಾವೆಲ್ಲರೂ ನಮ್ಮ - ನಮ್ಮ,  ಭೇದ ಭಾವಗಳನ್ನು ಮರೆತು ಒಗ್ಗಟ್ಟಾಗಿ, ಜೊತೆಯಾಗಿ ಸಾಗಬೇಕು. ಅವರು ತೋರಿದ ವೈಚಾರಿಕ ದಿಟ್ಟತನವನ್ನು

ನಿರ್ಭಿಡೆಯಿಂದ ತೋರಬೇಕು. ಮೂಡನಂಬಿಕೆ ಹಾಗೂ ಕಂದಾಚಾರಗಳನ್ನು ಹೋಗಲಾಡಿಸಬೇಕು. ಅಂದಾಗಲೇ ಮಾತ್ರ ನಾವೆಲ್ಲರೂ ಬಸವಾದಿ ಶರಣರ ಹಾಗೂ ಅಂಬಿಗರ ಚೌಡಯ್ಯ ಶಿವಶರಣರ ನಿಜವಾದ ವಾರಸುದಾರರಾಗಲು ಸಾಧ್ಯ.

ವಿಶ್ವಮಾನವ ಸಂದೇಶ : ಶರಣ ಚೌಡಯ್ಯನವರ ವಚನಗಳಲ್ಲಿದ್ದ ಧರ್ಮ ನಿರ್ಭಿಡತೆಯ, ಜೀವನ ಪ್ರೀತಿಯ ಆಶಯ ಅವನತಿಯೆಡೆಗೆ ಮುಖ ಮಾಡಿ ನಿಲ್ಲುತ್ತಿದೆ ಎಂದರೆ ತಪ್ಪಾಗಲಾರದು. ಜಾತಿಯೆಂಬ ವಿಷಬೀಜದ ಹೀನ ಆಚರಣೆ ಸಂಸ್ಕೃತಿಯೆಂಬ ಜೀವನತತ್ವವನ್ನೇ ಬುಡಮೇಲು ಮಾಡಲು ನಿಂತಿರುವುದು ಸ್ಪಷ್ಟವಾಗಿ ಕಾಣುತ್ತಿದೆ ಬಂಧುಗಳೆ. ಇನ್ನು, ಆಡಳಿತ ಚುಕ್ಕಾಣಿ ಹಿಡಿದ ಸರ್ಕಾರಗಳು ಚೌಡಯ್ಯನವರ ತಾತ್ವಿಕ ಸಂದೇಶಗಳನ್ನು, ಜಾತಿ-ಧರ್ಮಗಳ ಸಂಕೋಲೆಗಳಿಂದ ಮುಕ್ತಗೊಳಿಸಿ ಇಡೀ ಸಾಮಾಜಿಕ ವ್ಯವಸ್ಥೆಯೊಳಗೆ ಹರಿಸುವ ಪ್ರಾಮಾಣಿಕ ಪ್ರಯತ್ನಗಳನ್ನು ಮಾಡುತ್ತಿವೆಯೇ? ಎಂದರೆ ಅಲ್ಲಿಯೂ ಇಲ್ಲಾ ಎಂಬ ನೋವಿನ ಸಂಗತಿ ಗೊತ್ತಾಗುತ್ತದೆ. ಈ ಜಾಡಿನಲ್ಲಿ ಸಿಗುವ ಕೆಲವು ಸತ್ಯಗಳು ಇಂದಿನ ಮಟ್ಟಿಗಂತೂ ನಿರಾಶೆಯನ್ನೇ ಮೂಡಿಸುತ್ತವೆ.ಅಂಬಿಗರ ಚೌಡಯ್ಯನಂಥಹ ಮಾಹಾ ನಿಜಶರಣರ ಆ ಅಪೂರ್ವ ಸಂದೇಶಗಳು ಶತಮಾನಗಳು ಕಳೆಯುತ್ತಾ ಹೋದಂತೆ ಸಾಮಾಜಿಕ ವ್ಯವಸ್ಥೆಯಲ್ಲಿ ಗಟ್ಟಿಯಾಗುತ್ತಾ ಸಾಗಬೇಕಿತ್ತು. ಶೋಷಣೆಗೆ ಒಳಗಾದ ಸಮಾಜ ವರ್ಗದ ಅಂತಃಶಕ್ತಿ ಸ್ವಾವಲಂಬನೆಯಿಂದ ಸುಭದ್ರವಾಗಬೇಕಿತ್ತು. ವ್ಯವಸ್ಥೆಯಲ್ಲಿ ರೂಪಿತವಾದ ಜನಪರ ಕಲ್ಯಾಣ ಕಾರ್ಯಕ್ರಮಗಳು ಆ ವರ್ಗಗಳ ಅಂತರಂಗದಲ್ಲಿದ್ದ ಬೇಗುದಿಯನ್ನು ಭಸ್ಮ ಮಾಡಬೇಕಿತ್ತು. ಮತ್ತು ಇಡೀ ಸಮಾಜ, ಜಾತಿ-ವರ್ಗಗಳನ್ನು ಮೀರಿ ವಿಶ್ವಮಾನವ ಪ್ರಜ್ಞೆಯ ಉದಾರತೆಯನ್ನು ಗಳಿಸಿಕೊಳ್ಳುವ ನಿಟ್ಟಿನಲ್ಲಿ ದಿಟ್ಟ ಹೆಜ್ಜೆ ಇಟ್ಟಿರಬೇಕಿತ್ತು. ಆದರೆ, ಇಂದಿನ ಪರಿಸ್ಥಿತಿ ನೋಡಿದಾಗ ಇಡೀ ವಚನ ಸಂಸ್ಕೃತಿಯ ಪರಿಣಾಮಗಳ ಬಗ್ಗೆ ವಿಷಾದವೆನಿಸುವ ಸಿನಿಕತೆ ಮೂಡುತ್ತದೆ.ಅಂಬಿಗರ ಚೌಡಯ್ಯ ಶರಣರ ಬಂಡಾಯ ಮನೋಧರ್ಮದ ಕ್ರಾಂತಿ ಹಾದಿಯ ವೈಭವವನ್ನಲ್ಲ. ದುಷ್ಟ ಸಮಾಜದೆಡೆಗಿನ ಅವರ ತಾರ್ಕಿಕ ವಿಚಾರಣೆಯ ದಿಟ್ಟ ಧಾಟಿಯೂ ಅಲ್ಲ. ಮನೋದಾಸ್ಯದ ವಿರುದ್ಧ, ಜಾತಿ ವ್ಯವಸ್ಥೆಯ ವಿರುದ್ಧ ತನ್ನದೇ ಕಟು ನಿಃಸ್ವಾರ್ಥ ರೀತಿಯಲ್ಲಿ ಹೋರಾಡಿ ವಿಶ್ವಮಾನವ ಸಂದೇಶವನ್ನು ಬಿತ್ತಿ ಹೋದ ಛಡಿ ಏಟಿನ ಚೌಡಯ್ಯನವರು ಇಂದಿನ ವ್ಯವಸ್ಥೆಗೆ ಅಪ್ರಸ್ತುತನಾಗುತ್ತಿದ್ದಾರೇ? ಇಂದಿನ ಅಂಬಿಗರ ಚೌಡಯ್ಯನವರ, ಕಾಲಘಟ್ಟವೊಂದರ ಸಮಾಜವನ್ನು ಹೊಸಸ್ತರಕ್ಕೆ ಕರೆದೊಯ್ದಿದ್ದ ವಚನ ಸಂಸ್ಕೃತಿಯ ವೈಫಲ್ಯದ ಒಂದು ಪಾರ್ಶ್ವವನ್ನು ಬಿಂಬಿಸುತ್ತಿದ್ದಾರೇ? ಜಗತ್ತಿನ ಮುನ್ನಡೆಯೂ ಕಾಲದ ದೃಷ್ಟಿಯಿಂದ ಹಿನ್ನೆಡೆಯನ್ನು ಕಾಣುತ್ತದೆಯೇ? ಇಂತಹ ಹಲವಾರು ಪ್ರಶ್ನೆಗಳನ್ನು ಕೇಳಿಕೊಳ್ಳುವ ಕಾಲ ಈಗ ಬಂದಿದೆ ಎನ್ನಿಸುತ್ತದೆ ಅಲ್ಲವೆ? ಹೀಗಿರುವಾಗ ನಾವು ಕೇವಲ ವಿಶ್ವಮಾನವ ಶಿವಶರಣ ಚೌಡಯ್ಯನವರ ಬಗೆ  ಮಾತನಾಡದೇ ಅವರು ಕೊಟ್ಟಿರುವ ವಚನ ಸಾಹಿತ್ಯದ ಬಗ್ಗೆ ಹೆಚ್ಚು ಮಾತನಾಡಬೇಕು. ಇದರಂತೆ ಸಕಲ್ ಜೀವಾತ್ಮರಿಗೆ ಲೇಸನ್ನು ಬಯಸಿದ ಶರಣರ ವಾಣಿಯಂತೆ ಸರ್ವರೂ ಸಾಗಬೇಕು. 

ಗೌರವ ಮಾತು: ಬಸವಾದಿ ಪ್ರಮಥರ ವಚನಗಳಲ್ಲಿರುವಂತೆ ಇವರಲ್ಲಿಯೂ ಬಸವಾನುಭವಪರವಾದ ವಚನಗಳಿದ್ದರೂ ಅವುಗಳಲ್ಲಿ ಕಂಡುಬರುವ ಸಮಕಾಲೀನ ಸಮಾಜ ವಿಡಂಬನೆಯ ವ್ಯಗ್ರದೃಷ್ಟಿ ಬೇರೆಯವರಲ್ಲಿ ವಿರಳವೆಂದೇ ಹೇಳಬಹುದು.ತೀಕ್ಷ್ಣ ವಚನಗಳಿಂದ ಶರಣರ ವಚನಕ್ರಾಂತಿಯಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದವರು ಅಂಬಿಗರ ಚೌಡಯ್ಯ ಶರಣರು. ವೈಚಾರಿಕತೆಯ  ಕಾಯಕ ತತ್ವದ ಹರಿಕಾರರಾಗಿ ಅವರ ಬದುಕು ಸಾಗಿತ್ತು, ಸತ್ಯದ ಸನ್ಮಾರ್ಗದಲ್ಲಿ ಸಾಗಿ ಲೋಕಕ್ಕೆ ಮಾದರಿಯಾಗಿದ್ದಾರೆ. ಸನ್ನಡತೆ,ಪ್ರಮಾಣಿಕತೆ,ಸ್ನೇಹ ಮಯ ಜೀವನ, ಸಮತಾವಾದದ ಮೌಲ್ಯಗಳನ್ನು ಜಾಗತಿಕ ಪ್ರಪಂಚಕ್ಕೆ ಸಾರಿ,ಬಸವಾದಿ ಶರಣರ ಆಶಯದಂತೆ ಬಾಳಿದವರು. ಬಸವ ಬಾನಂಗಳದಲ್ಲಿ ಶ್ರೇಷ್ಠ ಶಿವಶರಣರೆಂಬ ಅಮೂಲ್ಯ ನಕ್ಷತ್ರಗಳಲ್ಲಿ  ಒಂದಾಗಿ ಮಿನುಗಿದವರು ನಮ್ಮ ಮಾಹಾನ್ ನಿಜ ಶಿವಶರಣ ಅಂಬಿಗರ ಚೌಡಯ್ಯ ಶಿವಶರಣರು.

ಲೇಖಕರು:ಸಂಗಮೇಶ ಎನ್ ಜವಾದಿ, 

ಮಹಾಕುಂಭ ಮೇಳದಲ್ಲಿ ದಿಢೀರ್ ಪ್ರತ್ಯಕ್ಷ! ಮುಗಿಯುತ್ತಿದ್ದಂತೆ ಅದೃಶ್ಯರಾಗುವ ನಾಗಸಾಧುಗಳು ಯಾರು?

ಉತ್ತರ ಪ್ರದೇಶದ ಪ್ರಯಾಗ್‌ರಾಜ್‌ನಲ್ಲಿ ಮಹಾಕುಂಭ ಮೇಳ ಆರಂಭವಾಗಿದೆ. ಮಹಾಕುಂಭವು ವಿಶ್ವದ ಅತ್ಯಂತ ದೊಡ್ಡ ಧಾರ್ಮಿಕ ಹಬ್ಬ. ಈ ಮಹಾನ್ ಉತ್ಸವದಲ್ಲಿ ಭಾಗವಹಿಸಲು ದೇಶ ಮತ್ತು ವಿದೇಶಗಳಿಂದ ಕೋಟ್ಯಂತರ ಜನರು ಬರುತ್ತಾರೆ. ಲಕ್ಷಾಂತರ ನಾಗಾ ಸಾಧುಗಳು ಕುಂಭಮೇಳದಲ್ಲಿ ಭಾಗಿಯಾಗುತ್ತಾರೆ. ಆದರೆ ಲಕ್ಷಾಂತರ ನಾಗಾ ಸಾಧುಗಳು ಕುಂಭಮೇಳಕ್ಕೆ ಎಲ್ಲಿಂದ ಹೇಗೆ ಬರುತ್ತಾರೆ ಮತ್ತು ಅವರು ಮುಗಿದ ತಕ್ಷಣ ಅವರು ಹೇಗೆ ಅಗೋಚರರಾಗುತ್ತಾರೆ? ಎಂಬುದೇ ಒಂದು ರಹಸ್ಯ.

ಈ ಬಾರಿ ಲಕ್ಷಾಂತರ ನಾಗಾ ಸಾಧುಗಳು ಮಹಾಕುಂಭದಲ್ಲಿ ಸೇರಿದ್ದಾರೆ. ಅವರು ಹೇಗೆ ಬರುತ್ತಾರೆ ಮತ್ತು ಎಲ್ಲಿ ಹೋಗುತ್ತಾರೆ ಎಂಬುದರ ಬಗ್ಗೆ ಸಾಮಾನ್ಯರಿಗೆ ಸುಳಿವು ಸಹ ಇಲ್ಲ. ಅವರ ಆಗಮನ ಮತ್ತು ನಿರ್ಗಮನದ ಬಗ್ಗೆ ತಿಳಿದಿರುವ ಮನುಷ್ಯನೇ ಇರಲಾರನು. ಕುಂಭ ಮೇಳದ ಸಮಯದಲ್ಲಿ ಇದ್ದಕ್ಕಿಂತೆ ಲಕ್ಷ ಲಕ್ಷ ಸಂಖ್ಯೆಯ ನಾಗಾ ಸಾಧುಗಳು ಪ್ರವೇಶ ಹೇಗೆ ಸಾಧ್ಯ? ಪ್ರಯಾಗ್ ರಾಜ್‌ನಲ್ಲಿ ನಡೆಯಲಿರುವ ಮಹಾಕುಂಭಕ್ಕೆ ನಾಗಾ ಸಾಧುಗಳು ಈಗಾಗಲೇ ಬಂದಾಗಿದೆ. ಅವರು ಎಲ್ಲಿಂದ ಬಂದಿದ್ದಾರೆ ಎಂಬುದು ಇನ್ನೂ ರಹಸ್ಯ. ಅದನ್ನು ಪತ್ತೆಹಚ್ಚುವುದೂ ಅಸಾಧ್ಯ.

ಒಂದು ಅಂದಾಜಿನ ಪ್ರಕಾರ, ನಾಗಾ ಸಾಧುಗಳು ಕುಂಭಮೇಳದಲ್ಲಿ ಉತ್ತರಾಖಂಡ, ಹಿಮಾಚಲ ಪ್ರದೇಶ ಮತ್ತು ಗುಜರಾತ್ ಬೆಟ್ಟಗಳಿಂದ ಬರುತ್ತಾರೆ ಎನ್ನುವ ಒಂದು ನಂಬಿಕೆ ಇದೆ. ಕೆಲವು ನಾಗಾಗಳು ಬಟ್ಟೆ ಧರಿಸಿ ಕುಂಭ ಮೇಳವನ್ನು ಪ್ರವೇಶಿಸಿದರೆ, ಬಹುತೇಕರು ನಗ್ನರಾಗಿಯೇ ಇರುತ್ತಾರೆ. ಅವರು ತಮ್ಮ ಬಗ್ಗೆ ಯಾರಿಗೂ ಹೇಳುವುದಿಲ್ಲ. ಅವರ ಗುರುತು ಯಾವಾಗಲೂ ನಿಗೂಢವಾಗಿಯೇ ಉಳಿಯುತ್ತದೆ.  ಕುಂಭ ಮುಗಿದ ನಂತರ ನಾಗಾ ಸಾಧುಗಳು ಕಣ್ಮರೆಯಾಗುತ್ತಾರೆ. ತಜ್ಞರ ಪ್ರಕಾರ ಕೇವಲ ಊಹೆಯ ಮೂಲಕ ಉತ್ತರಿಸಿದ್ದಾರೆ. ಕುಂಭ ಮುಗಿದ ತಕ್ಷಣ  ನಾಗಾ ಸಾಧುಗಳು ರಹಸ್ಯವಾದ  ಗುಹೆಗಳಿಗೆ ಹೋಗುತ್ತಾರೆ ಎಂದು ಹೇಳುತ್ತಾರೆ. 

ಇವರು ನೆಲೆಸುವ ಗುಹೆಗಳೂ ರಹಸ್ಯವಾಗಿವೆ. ಬಹುಷ್ಯ ಅಲ್ಲಿ ಬೇರೆ ಮನುಷ್ಯರಾರೂ ಸಂಚರಿಸದAಥ ನಿರ್ಜನ ಹಿಮಾವೃತ ಪ್ರದೇಶಗಳಲ್ಲಿ ಇವರ ಗುಹೆಗಳಿವೆಂತೆ.  ಗುಹೆಗಳಲ್ಲಿ ಕೆಲವು ವರ್ಷಗಳ ಕಾಲ ಉಳಿದು ತಪಸ್ಸು ಮಾಡುತ್ತಾರೆ. ನಂತರ ಗುಹೆಯನ್ನು ಬದಲಾಯಿಸುತ್ತಾರೆ. ಅವರು ಎಲ್ಲಿ ವಾಸಿಸುತ್ತಿದ್ದಾರೆ ಎಂಬುದರ ನಿಖರವಾದ ವಿಳಾಸವನ್ನು ಹೇಳುವುದು ಕಷ್ಟ. ಕಾಲಕಾಲಕ್ಕೆ, ನಾಗಾ ಸಾಧುಗಳು ಒಂದರಿAದ ಇನ್ನೊಂದಕ್ಕೆ, ಎರಡರಿಂದ ಮೂರಕ್ಕೆ ಮತ್ತು ಮೂರರಿಂದ ನಾಲ್ಕನೇ ಗುಹೆಗಳಿಗೆ ಬದಲಾಗುತ್ತಲೇ ಇರುತ್ತಾರೆ. ಜನರ ಸಂಪರ್ಕವಿಲ್ಲದೇ ತಪಸ್ಸು ಮತ್ತು ಸಿದ್ಧಿ ಮಾತ್ರ ಇವರ ಗುರಿ. ಅಪ್ಪಟ ಹಿಂದೂ ಧರ್ಮದ ಆರಾಧಕರು ಮತ್ತು ರಕ್ಷಕರು ಎಂದು ಹೇಳುತ್ತಾರೆ.

ಹಿಮಾವ್ರತ ಪ್ರದೇಶದ ಗುಹೆಗಳಲ್ಲಿ ವಾಸಿಸುವ ಈ ನಾಗಾ ಸಾಧುಗಳ ಆಹಾರವೇನು? ಈ ಪ್ರಶ್ನೆ ಅನೇಕ ಜನರ ಮನಸ್ಸಿನಲ್ಲಿ ಮೂಡಬಹುದಾದ ಸಹಜವಾದ ಪ್ರಶ್ನೆ. ನಾಗಾ ಸಾಧುಗಳು ಭೋಲೆ ಬಾಬಾ ಅವರ ಭಕ್ತಿಯಲ್ಲಿ ಲೀನರಾಗಿರುತ್ತಾರೆ.  ನಾಗಾ ಸಾಧುಗಳು ವಿವಿಧ ವಸ್ತುಗಳನ್ನು ತಿನ್ನುತ್ತಾರೆ. ಅಂದರೆ ಅವರು ವಾಸಿಸುವ ಗುಹೆಗಳ ಅಕ್ಕಪಕ್ಕದಲ್ಲಿ ದೊರೆಯುವ ಗಿಡಮೂಲಿಕೆಗಳು, ಕಂದುಮೂಲ ಹಣ್ಣುಗಳು ಇತ್ಯಾದಿಗಳೇ ಇವರ ಆಹಾರ. ನಾಗಾ ಸಾಧುಗಳು ಅನೇಕ ಕಾಡುಗಳಲ್ಲಿ ಅಲೆದಾಡುತ್ತಾ ತಮ್ಮ ಜೀವನವನ್ನು ಕಳೆಯುತ್ತಾರೆ. ಮತ್ತು ಕುಂಭ ಅಥವಾ ಮಹಾಕುಂಭ ಸಂದರ್ಬಗಳಲ್ಲಿ ಮಾತ್ರ ಭಾಗವಹಿಸಲು ಇಲ್ಲಿ ಬಂದು ಸೇರುತ್ತಾರೆ. 

ನಾಗಾ ಸಾಧುಗಳು ತಪಸ್ವಿ ಯೋಧರು! : ಮಹಾನಿರ್ವಾಣಿ ಅಖಾಡದ ನಾಗಾ ಸಾಧುಗಳು ಸಮರವಾದವು ಮನುಷ್ಯನಲ್ಲಿ ಸನ್ಯಾಸಿಗಳ ಸಂಪ್ರದಾಯಗಳೊAದಿಗೆ ಸಂಬAಧ ಹೊಂದಿದೆ ಮತ್ತು ದೂರದ ಪೂರ್ವದ ಸನ್ಯಾಸಿಗಳು ಮತ್ತು ವಿಶೇಷವಾಗಿ ಚೀನಾ, ಜಪಾನ್ ಮತ್ತು ಕೊರಿಯಾ ಅವರು ಅಭಿವೃದ್ಧಿಪಡಿಸಿದ ಸಮರ ಕಲೆಗಳಿಗೆ ಇವರು ಹೆಸರುವಾಸಿಯಾಗಿದ್ದಾರೆ. ಭಾರತದಲ್ಲಿಯೂ ಸಹ ಉಗ್ರಗಾಮಿ ತಪಸ್ವಿಗಳು ಸುದೀರ್ಘ ಇತಿಹಾಸ ಹೊಂದಿದ್ದಾರೆ ಮತ್ತು ಭಾರತೀಯ ಸನ್ಯಾಸತ್ವವನ್ನು ದೊಡ್ಡ ರೀತಿಯಲ್ಲಿ ಪ್ರಭಾವಿಸಿದ ನಾಗಾ ಸಂಸ್ಥೆಯಾಗಿ ಸಂಘಟಿತರಾದವರು. ನಾಗ ಎಂಬ ಪದವು ಬೆತ್ತಲೆತನವನ್ನು ಸೂಚಿಸುತ್ತದೆ. ಇದು ತ್ಯಜಿಸುವಿಕೆಯನ್ನೂ ಸೂಚಿಸುತ್ತದೆ. ಪ್ರತಿ ಶೈವ ಸನ್ಯಾಸದ ದೀಕ್ಷೆಯಲ್ಲಿನ ಅತ್ಯಗತ್ಯ ವಿಧಿಯು ಒಬ್ಬರ ಬಟ್ಟೆಯನ್ನು ತೆಗೆದುಹಾಕಿ ಮತ್ತು ಏಳು ಹೆಜ್ಜೆಗಳನ್ನು ಸಂಪೂರ್ಣವಾಗಿ ಬೆತ್ತಲೆಯಾಗಿ ನಡೆಯುವುದನ್ನು ಒಳಗೊಂಡಿರುತ್ತದೆ. ಆದ್ದರಿಂದ ಒಬ್ಬನು ತನ್ನ ದೇಹವನ್ನು ಮುಚ್ಚಿಕೊಳ್ಳಲು ಕಾರಣವಾದ ಸಾಮಾಜಿಕ ಸ್ಥಿತಿ ಮತ್ತು ಬಂಧನವನ್ನು ಮುರಿಯುತ್ತಾನೆ.  ಭಾರತದ ಬ್ರಿಟಿಷ್ ಆಡಳಿತಗಾರರು ಸಾಮಾನ್ಯವಾಗಿ ಈ ಪದ್ಧತಿಯನ್ನು ನಿಗ್ರಹಿಸಿದರು. ಆದರೆ ಅವರು ನಾಗಾ ಸಾಧುಗಳ ಉಗ್ರತೆಯನ್ನು ತಡೆಯಲು ಸಾಧ್ಯವಾಗಲೇ ಇಲ್ಲ ಮತ್ತು ಕುಂಭಮೇಳದ ಸಮಯದಲ್ಲಿ ಸಂಪೂರ್ಣವಾಗಿ ಬೆತ್ತಲೆಯಾಗಿ ಬೀದಿಗಳಲ್ಲಿ ಮೆರವಣಿಗೆಯಲ್ಲಿ ತೆರಳಲು ಅವಕಾಶ ನೀಡಿದರು.

ನಾಗಾ ಸಾಧುಗಳ ಜೀವನವು ಧೈರ್ಯ, ಸ್ವಾತಂತ್ರ‍್ಯ ಮತ್ತು ಅಸಾಧಾರಣ ಶಿಸ್ತಿನದ್ದಾಗಿದೆ. ನಾಗಾ ಸಾಧುಗಳು ತೀವ್ರತರವಾದ ತಾಪಮಾನವನ್ನು ಸಹಿಸಿಕೊಳ್ಳಬಲ್ಲ ಶಕ್ತಿಶಾಲಿ ಯೋಗ ದೇಹಗಳನ್ನು ಹೊಂದಿದ್ದಾರೆ. ಶೀತದ ವಿರುದ್ಧ ಅವರ ಏಕೈಕ ರಕ್ಷಣೆ ಮತ್ತು ಅವರ ಆಧ್ಯಾತ್ಮಿಕ ಶಕ್ತಿಗಳು ಮತ್ತು ವಿಭೂತಿ (ಪವಿತ್ರ ಬೂದಿ) ಅವರು ದೇಹದಾದ್ಯಂತ ಮುಕ್ತವಾಗಿ ಅನ್ವಯಿಸುತ್ತಾರೆ. ಹೆಚ್ಚಿನ ನಾಗಾ ಸಾಧುಗಳು ರುದ್ರಾಕ್ಷ ಮಾಲೆ (ಪವಿತ್ರ ಶಕ್ತಿಯ ಮಣಿಗಳು) ಮತ್ತು ಕಬ್ಬಿಣದ ಬಳೆ (ಕಡ) ಧರಿಸುತ್ತಾರೆ ಮತ್ತು ಡಮರುಗ (ಪರಮಶಿವನ ಡ್ರಮ್) ಮತ್ತು ಕಾಮಂದಳು (ನೀರಿನ ಮಡಕೆ) ಅನ್ನು ಜೊತೆಗೆ ಒಯ್ಯುತ್ತಾರೆ. ಪ್ರತಿ ದಿನ ಪೂಜಿಸಲ್ಪಡುವ ಅಖಾಡಾ ಸಂಸ್ಕೃತಿಯ ಭಾಗವಾಗಿರುವ ರಕ್ಷಣಾ ಆಯುಧಗಳು ಮಾತ್ರ ಅವರ ಇತರ ಅಲಂಕಾರಗಳಾಗಿವೆ.

ನಾಗಾ ಸಾಧುಗಳನ್ನು ಅವರ ಪವಿತ್ರ ತ್ರಿಶೂಲ (ಶಿವನ ತ್ರಿಶೂಲ), ಕೋಲು, ಕತ್ತಿ, ಶಂಖ ಮತ್ತು ಇತರ ಸಂಗೀತ ವಾದ್ಯಗಳಿಂದ ಗುರುತಿಸಬಹುದು. ಅವರು ಅವಿವಾಹಿತರು ಅಥವಾ ವಿಧವೆಯರು ಅಥವಾ ಸಂಕ್ಷಿಪ್ತವಾಗಿ ಕುಟುಂಬದ ಜವಾಬ್ದಾರಿಗಳಿಂದ ಮುಕ್ತಿ ಹೊಂದಿದವರನ್ನು ಮಾತ್ರ ತಮ್ಮ ಮಡಿಲಿಗೆ ಒಪ್ಪಿಕೊಳ್ಳುತ್ತಾರೆ. ಈ ಕ್ರಮಕ್ಕೆ ದೀಕ್ಷೆಯ ಸಮಯದಲ್ಲಿ, ಸಾಮಾನ್ಯ ತಪಸ್ವಿಯನ್ನು ವಸ್ತ್ರಧಾರಿ (ಬಟ್ಟೆ ಧರಿಸಿದವರು) ಎಂದು ಕರೆಯಲಾಗುತ್ತದೆ. ಅವನು ತನ್ನ ಎಲ್ಲಾ ಹಿರಿಯ ತಪಸ್ವಿಗಳ ಸೇವೆ ಮಾಡುತ್ತಾನೆ. ಮೂರು ವರ್ಷಗಳ ಪರೀಕ್ಷೆಯ ನಂತರ, ಅವರು ಉನ್ನತ ದರ್ಜೆಗೆ ಬಡ್ತಿ ಹೊಂದುತ್ತಾರೆ. ವಸ್ತ್ರಧಾರಿ ನಾಗಾ ತಪಸ್ವಿ ಪೂರ್ಣ ಪ್ರಮಾಣದ ನಾಗಶಿಪ್ ಪಡೆಯಲು ಯಾವುದೇ ನಿರ್ದಿಷ್ಟ ಸಮಯದ ಮಿತಿಯಿಲ್ಲ. ಒಬ್ಬ ಅಭ್ಯರ್ಥಿಯು ನಾಗಾ ಅಖಾಡಾಕ್ಕೆ  ಪ್ರವೇಶಿಸಿದ ಎರಡು ವರ್ಷಗಳಲ್ಲಿ ನಾಗಾಶಿಪ್ ಸ್ಥಿತಿಗೆ ಬಡ್ತಿ ಪಡೆಯಬಹುದು ಅಥವಾ ಈ ಸ್ಥಿತಿಯನ್ನು ತಲುಪಲು ಅವನು ಹನ್ನೆರಡು ವರ್ಷಗಳನ್ನೂ ತೆಗೆದುಕೊಳ್ಳಬಹುದು. ಕುಂಭ ಸಭೆಯ ಸಮಯದಲ್ಲಿ ನಾಗಾಗಳ ದೀಕ್ಷಾ ಸಮಾರಂಭಗಳು ನಿರಂತರವಾಗಿ ನಡೆಯುತ್ತವೆ. ವಿವಿಧ ಅಖಾರಗಳ ಮಂಡಲೇಶ್ವರರು (ಮುಖ್ಯ ಸನ್ಯಾಸಿಗಳು) ತಮ್ಮ ಪರೀಕ್ಷಾ ಅವಧಿಯನ್ನು ಪೂರ್ಣಗೊಳಿಸಿದ ಅಭ್ಯರ್ಥಿಗಳನ್ನು ಮಂಗಳಕರ ಸಮಯದಲ್ಲಿ ಆಯ್ಕೆ ಪ್ರಾರಂಭಿಸುತ್ತಾರೆ. ನಾಗಾಗಳ ವ್ಯವಹಾರಗಳನ್ನು ಅಷ್ಟ ಪರಿಷದ್ (ಎಂಟು ಸದಸ್ಯರ ಕೌನ್ಸಿಲ್) ಎಂಬ ಸಂಸ್ಥೆಯು ನಡೆಸುತ್ತದೆ. ಈ ಪರಿಷತ್ತಿನ ಅಧ್ಯಕ್ಷರನ್ನು ಪ್ರತಿ ತಿಂಗಳು ಆಯ್ಕೆ ಮಾಡಲಾಗುತ್ತದೆ. ಅಷ್ಟ ಪರಿಷತ್ ಸಮಿತಿಯ ಚುನಾವಣೆ ವರ್ಷಕ್ಕೊಮ್ಮೆ ನಡೆಯುತ್ತದೆ.

ರಾಷ್ಟ್ರ ರಕ್ಷಕರು:  ನಾಗಾ ಸಾಧುಗಳು ಮತ್ತೊಂದು ಕಾರಣಕ್ಕಾಗಿ ಪ್ರಸಿದ್ಧರಾಗಿದ್ದುದು ಆಯುಧಗಳನ್ನು ಪ್ರಯೋಗಿಸುವ ಅವರ ಕೌಶಲ್ಯ. ಖಂಡಿತವಾಗಿಯೂ ಸಾಧುವಿನ ಅತ್ಯಂತ ಮೂಲಭೂತ ಆಯುಧವನ್ನು ಅವನ ಸಿಬ್ಬಂದಿ ಎಂದು ಪರಿಗಣಿಸಬಹುದು. ಆದರೆ ೨೦೦ ನೇ ಶತಮಾನದಿಂದ  ೫೦೦ ನೇ ಶತಮಾನದ ವರೆಗಿನ ಅವಧಿಯಲ್ಲಿ ಋಷಿ ಪತಾಂಜಲಿಯು ನಿಜವಾದ ಆಯುಧಗಳನ್ನು, ನಿರ್ದಿಷ್ಟವಾಗಿ ಕಬ್ಬಿಣದ ಲ್ಯಾನ್ಸ್ ಅನ್ನು ಮೊದಲು ಪ್ರಸ್ತಾಪಿಸಿದರು. ತಪಸ್ವಿ . ೭ ನೇ ಶತಮಾನದ ಸಂಸ್ಕೃತ ಗದ್ಯದ ಮಾಸ್ಟರ್ ಬಾಣಭಟ್ಟನು ತನ್ನ ಚಕ್ರವರ್ತಿ ಹರ್ಷವರ್ಧನನ ಜೀವನ ಚರಿತ್ರೆಯಲ್ಲಿ ಯುದ್ಧದಂತಹ ಶೈವ ತಪಸ್ವಿಗಳನ್ನು ಸರಿಯಾಗಿ ವಿವರಿಸುತ್ತಾನೆ ಮತ್ತು ಅವರು ತಮ್ಮ ಸಮರ ಸಾಮರ್ಥ್ಯವನ್ನು ಆಧ್ಯಾತ್ಮಿಕ ಉದ್ದೇಶಗಳಿಗಾಗಿ ಹೇಗೆ ಬಳಸಿಕೊಂಡರು. ಶಸ್ತ್ರಾಸ್ತ್ರ ಮತ್ತು ಸಮರ ಕಲೆಗಳೊಂದಿಗೆ ಸಂಬAಧ ಹೊಂದಿದ ಮೊದಲ ಪಂಥವೆAದರೆ ಶೈವ ಕಪಾಲಿಕರು. ಈ ಪಂಗಡಗಳ ಸಶಸ್ತ್ರ ತಪಸ್ವಿಗಳ ರೆಜಿಮೆಂಟ್‌ಗಳು ರಾಷ್ಟ್ರವನ್ನು ರಕ್ಷಿಸುವಲ್ಲಿ ರಾಜರನ್ನು ರಕ್ಷಿಸಿದವು ಎಂಬುದಕ್ಕೆ ೧೩ ನೇ ಶತಮಾನದ ಹಿಂದಿನ ಪುರಾವೆಗಳಿವೆ ಮತ್ತು ಮಾರ್ವಾರ್ (ವಾಯುವ್ಯ ಭಾರತ) ದೇವಾಲಯದ ಪ್ರಧಾನ ಅರ್ಚಕನು ಊಳಿಗಮಾನ್ಯ ಅಧಿಪತಿಗಳು ಹೊಂದಿದ್ದಕ್ಕಿAತ ದೊಡ್ಡದಾದ ಬೆಟಾಲಿಯನ್ ಅನ್ನು ನಿರ್ವಹಿಸುತ್ತಿದ್ದನು.  ಭಾರತದ ಹಲವಾರು ಮೊಘಲ್ ಆಕ್ರಮಣಗಳ ವಿರುದ್ಧ ನಾಗಾಗಳು ಹಿಂದೂ ನಂಬಿಕೆಯ ಸೈನಿಕರ ಪಾತ್ರವನ್ನು ವಹಿಸಿಕೊಂಡರು. ಇದೇ ಉದ್ದೇಶದಿಂದ ಅಲ್ಲಿ ಸಾಧುಗಳನ್ನು ಶಸ್ತ್ರಸಜ್ಜಿತ ಮುಸ್ಲಿಂ ಫಕೀರರು ಹೆಚ್ಚಾಗಿ ಕಡಿಯುತ್ತಿದ್ದರು. 

ಅವರು ಅಹ್ಮದ್ ಷಾ ಅಬ್ದಾಲಿ ವಿರುದ್ಧ ಗೋವರ್ಧನನ್ನು ರಕ್ಷಿಸಲು ಹೋರಾಡಿದರು. ವರ್ಷ ೧೭೫೯ ರಲ್ಲಿ ಸಾವಿರಾರು ನಾಗಾ ಸಾಧುಗಳನ್ನು ಕಳೆದುಕೊಂಡ ನಂತರ, ಸಾಧುಗಳು ತಮ್ಮ ಪ್ರಾಣವನ್ನು ಹೊರತುಪಡಿಸಿ ಕಳೆದುಕೊಳ್ಳಲು ಯಾವುದೇ ಆಸ್ತಿಯನ್ನು ಹೊಂದಿಲ್ಲದ ಕಾರಣ ಅಬ್ದಾಲಿ ಹಿಂತೆಗೆದುಕೊAಡರು. ಆಫ್ಘನ್ನರ ಪ್ರಧಾನ ಜನರಲ್, ಸರ್ದಾರ್ ಖಾನ್; ಗೋಕುಲ್ (ಭಾರತದಲ್ಲಿ ಉತ್ತರ ಪ್ರದೇಶ) ಮೇಲೆ ದಾಳಿಯನ್ನು ಪ್ರಾರಂಭಿಸಿತು. ಆದಾಗ್ಯೂ, ಆಕ್ರಮಣಕಾರಿ ಆಫ್ಘನ್ನರ ದುಷ್ಕೃತ್ಯಗಳಿಂದ ಕದಡಿದ ಸಾವಿರಾರು ಯೋಧರು, ನಾಗಾ ಸನ್ಯಾಸಿಗಳು ದಾರಿಯನ್ನು ತಡೆದರು. ಕತ್ತಿಗಳು, ಬೆಂಕಿಕಡ್ಡಿಗಳು ಮತ್ತು ಫಿರಂಗಿಗಳನ್ನು ಹಿಡಿದ ಕಠೋರ ನಾಗಾ ಸಾಧುಗಳು ಧರ್ಮ ರಕ್ಷಣೆಗಾಗಿ ತಮ್ಮ ಅಲೆದಾಡುವ ಬ್ಯಾಂಡ್‌ಗಳನ್ನು ಒಟ್ಟುಗೂಡಿಸಿ ಹೋರಾಡಿದ್ದು ಐತಿಹಾಸಿಕವಾದುದು.

ಹದಿನೇಳನೇ ಶತಮಾನದ ಮಧ್ಯಭಾಗದಲ್ಲಿ, ಸಾಧುಗಳು ಮತ್ತು ಬಗೆಬಗೆಯ ಪವಿತ್ರ ಪುರುಷರ ತಂಡಗಳು ದೊಡ್ಡ ಗುಂಪುಗಳಾಗಿ ಒಗ್ಗೂಡಿಸಲ್ಪಟ್ಟವು. ಆಗಾಗ್ಗೆ ೧೦,೦೦೦ ಕ್ಕಿಂತ ಹೆಚ್ಚು ಬಲಶಾಲಿಗಳು - ಅವರು ದೇವಾಲಯಗಳು, ಪ್ರಯಾಣದ ಮಾರ್ಗಗಳು ಮತ್ತು ಪಟ್ಟಣಗಳು ಮತ್ತು ಪ್ರತಿಸ್ಪರ್ಧಿ ಸೈನ್ಯಗಳಿಗೆ ರಕ್ಷಣೆ ನೀಡುವ ಕೆಲಸ ಮಾಡಿದರು. ಅನೇಕ ಶತಮಾನಗಳವರೆಗೆ ಸನ್ಯಾಸಿಗಳು ಮತ್ತು ಶಿಷ್ಯರು ಉತ್ತರ ಭಾರತದ ಕ್ರಾಂತಿಗಳ ನಡುವೆ ಶಸ್ತ್ರಾಸ್ತ್ರಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದರು ಮತ್ತು ಮೊಘಲ್ ಸಾಮ್ರಾಜ್ಯದ ಪತನದ ಸಮಯದಲ್ಲಿ ಅವರು ಗಂಭೀರ ಶಕ್ತಿಯಾಗಿ ಹೊರಹೊಮ್ಮಿದರು.

ಅವರ ಪ್ರಮುಖ ನಾಯಕರಲ್ಲಿ ಒಬ್ಬರಾದ ರಾಜೇಂದ್ರ ಗಿರಿ ಗೋಸೈನ್ ಅವರು ಶೌರ್ಯದ ಖ್ಯಾತಿಯನ್ನು ಹೊಂದಿದ್ದರು. ಅವರ ನಾಗಾಗಳ ತಂಡವು ಅವರ ಹತ್ತು ಪಟ್ಟು ಹೆಚ್ಚು ಸಂಖ್ಯೆಯ ಶತ್ರುಗಳನ್ನು ಸಂಪೂರ್ಣವಾಗಿ ನಾಶಪಡಿಸಲು ರೋಷದಿಂದ ಹೋರಾಡುತ್ತದೆ. ನಂತರದ ಕಾಲದಲ್ಲಿ ಹಿಮ್ಮತ್ ಬಹದ್ದೂರ್ ಅನುಪ್ಗೀರ್ ಗೊಸೈನ್ ನೇತೃತ್ವದ ಕೆಲವು ದೊಡ್ಡ ತಂಡಗಳು ಉತ್ತರ ಭಾರತದ ಬಯಲು ಪ್ರದೇಶದಾದ್ಯಂತ ಬೃಹತ್ ಸೈನ್ಯವನ್ನು ಮುನ್ನಡೆಸಿದವು ಎಂಬುದು ಇತಿಹಾಸ. ಪ್ರಸಿದ್ಧ ಅಫಘಾನ್ ಅಶ್ವಸೈನ್ಯವು ನಾಗಾಗಳ ವಿರುದ್ಧ ಕಾಡು ಮತ್ತು ಅಜಾಗರೂಕ ಪ್ರತಿರೋಧ ಎದುರಿಸಲು ಪ್ರಾರಂಭಿಸಿತು. ಹಿಂದೂ ಪವಿತ್ರ ಪುರುಷರು ಪ್ರದರ್ಶಿಸಿದ ತಮ್ಮ ಸ್ವಂತ ಜೀವನದ ಸಂಪೂರ್ಣ ನಿರ್ಲಕ್ಷ್ಯವು ಆರಂಭಿಕ ಆಫ್ಘನ್ ದಾಳಿಕೋರರನ್ನು ಸೋಲಿಸಿ ಹಿಮ್ಮೆಟ್ಟುವಂತೆ ಮಾಡಿದ್ದು ಇದೇ ನಾಗಾ ಸಾಧುಗಳ ಸೈನ್ಯ.

ಭಾರತದ ಸನಾತನ ಸಂಸ್ಕೃತಿಯ ರಕ್ಷಣೆಗಾಗಿ ನಾಗಾ ಸಾಧುಗಳ ಹೋರಾಟ ಮರೆಯಲಾಗದು. ಕಾಶಿ ವಿಶ್ವನಾಥ ಮಂದಿರ ಮತ್ತು ರಾಮಮಂದಿರದ ಮೇಲೆ ಯವನರ ದಾಳಿಯ ಸಂದರ್ಭದಲ್ಲಿ ಸೈನ್ಯದೊಂದಿಗೆ ಕೈಜೋಡಿಸಿ ಹೋರಾಡಿ ಜೀವ ತೆತ್ತವರು ನಾಗಾ ಸಾಧುಗಳು. ಅಷ್ಟೇ ಏಕೆ ಇತ್ತೀಚೆಗೆ ಅಂದರೆ ೧೯೮೯ರಲ್ಲಿ ಅಯೋಧ್ಯೆ ರಾಮಮಂದಿರ ಹೋರಾಟ ಸಂದರ್ಭದಲ್ಲಿ ಮುಲಯಂಸಿAಗ್ ಯಾದವ ಸರ್ಕಾರದ ಗುಂಡಿನೇಟಿಗೆ ಸತ್ತವರಲ್ಲಿ ಸುಮಾರು ೨೦೦ಕ್ಕೂ ಹೆಚ್ಚು ನಾಗಾ ಸಾಧುಗಳೇ ಆಗಿದ್ದರು ಎಂದು ದಾಖಲೆಗಳೇ ಹೇಳುತ್ತವೆ. ಹೀಗಾಗಿ ಶಿವನ ಪರಮ ಭಕ್ತರಾದ ನಾಗಾ ಸಾಧುಗಳು ರಾಷ್ಟç ರಕ್ಷಣೆಯೊಂದಿಗೆ ಸನಾತನ ಧರ್ಮ ರಕ್ಷಕರಾಗಿಯೂ ಕಾರ್ಯ ನಿರ್ವಹಿಸಿದರು. ಈಗಲೂ ಅವರ ಮೂಲ ಉದ್ದೇಶವೇ ಸನಾತನ ಧರ್ಮ ರಕ್ಷಣೆ. ಅದೇ ಕಾರಣಕ್ಕಾಗಿ ಕುಂಭ ಮೇಳ, ಅರ್ಧ ಕುಂಭ ಮೇಳ, ಪೂರ್ಣ ಕುಂಭ ಮೇಳ ಮತ್ತು ಮಹಾ ಕುಂಭ ಮೇಳಗಳಿಗೆ ಆಗಮಿಸಿ ಧರ್ಮ ಪ್ರಸಾರ ಮಾಡುತ್ತಾರೆ. ನಾಗಾಗಳ ಸಂಖ್ಯೆ ಹೆಚ್ಚಿಸಿಕೊಳ್ಳಲು ಈ ಸಂದರ್ಭಗಳಲ್ಲಿ ಹೊಸ ಸೈನಿಕ (ಅನುಯಾಯಿ)ಗಳನ್ನು ಆಯ್ಕೆ ಮಾಡಿಕೊಂಡು ತಮ್ಮ ಅದೃಶ್ಯ ಸ್ಥಳಗಳಿಗೆ ಹೋಗುತ್ತಾರೆ.

 -ಎಸ್ ಆರ್. ಮಣೂರ ಹಿರಿಯ ಪತ್ರಕರ್ತರು

ರೆಡ್ಡಿ ಸಮಾಜ ಶಾಂತಿ ಸಹಬಾಳ್ವೆಯ ಸಂಕೇತ-ರಹೀಮ್ ಖಾನ್

 

ಬೀದರ  :- ರೆಡ್ಡಿ ಸಮಾಜವು ಶಾಂತಿ ಸಹಬಾಳ್ವೆಯ ಸಂಕೇತವಾಗಿದೆ. ಇವರು ಸರ್ವ ಜನಾಂಗದವರೊAದಿಗೆ ಪ್ರೀತಿ ವಾತ್ಸಲ್ಯದಿಂದ ಒಳಗೊಳ್ಳುವ ಪರಿಪಾಠ ಹೊಂದಿದ್ದಾರೆ ಎಂದು ಪೌರಾಡಳಿತ ಹಾಗೂ ಹಜ್ ಖಾತೆ ಸಚಿವ ರಹೀಮ್ ಖಾನ್ ಹೇಳಿದರು.

ಅವರು ಇಂದು ಬೀದರನ ಹೇಮ ವೇಮ ಸಮುದಾಯ ಭವನದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಂಯುಕ್ತಾಶ್ರದಲ್ಲಿ ಹಮ್ಮಿಕೊಂಡಿದ್ದ ಮಹಾಯೋಗಿ ವೇಮನ ಜಯಂತಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.
ಇತ್ತೀಚಿಗೆ ಕೆಲವರು ರೆಡ್ಡಿ ಸಮಾಜವನ್ನು 3ಎ ಯಿಂದ ಬೇರೆ ವರ್ಗಕ್ಕೆ ಸೇರಿಸುವಂತೆ ಸರ್ಕಾರಕ್ಕೆ ಮನವಿ ಮಾಡುತ್ತಿದ್ದಾರೆ. ಈ ಮನವಿಯನ್ನು ಪುರಸ್ಕರಿಸದೆ ಯಥಾವತ್ತಾಗಿ ಮುಂದುವರೆಸಬೇಕು ಎಂದು ಸಮಾಜದ ಮುಖಂಡರು ಮನವ ಮಾಡಿದ್ದಾರೆ. ಈ ಕುರಿತು ಸಚಿವ ಸಂಪುಟ ಸಭೆಯಲ್ಲಿ ಮನವರಿಕೆ ಮಾಡಲಾಗುವುದು. ನಾನು ಕಳೆದ ಬಾರಿ ಘೋಷಿಸಿದ 10 ಲಕ್ಷ ರೂಪಾಯಿ ಅನುದಾನವನ್ನು 15 ದಿನಗಳಲ್ಲಿ ಬಿಡುಗಡೆ ಮಾಡಲಾಗುವುದು ಎಂದರು.
ಸಹ ಶಿಕ್ಷಕ ಹಾಗೂ ಹುಮನಾಬಾದ ಮಾಜಿ ಕನ್ನಡ ಸಾಹಿತ್ಯ ಪರಿಷತ್ ತಾಲ್ಲೂಕ ಅಧ್ಯಕ್ಷ ವಿರಂತರೆಡ್ಡಿ ಜಂಪಾ, ಅತಿಥಿ ಉಪನ್ಯಾಸ ನೀಡಿ ಮಾತನಾಡಿ, ವೇಮನರು ತಮ್ಮ ಪದ್ಯ ಹಾಗೂ ವಚನಗಳ ಮೂಲಕ ಸಮಾಜದಲ್ಲಿನ ಅಂಕು-ಡೊAಕುಗಳನ್ನು ತಿದ್ದುವ ಕೆಲಸ ಮಾಡಿದ್ದಾರೆ. ಆಂದ್ರೆ ಪ್ರದೇಶದ ಕೆಲವು ಸಾಹಿತಿಕಾರರು ಉದ್ದೇಶಪೂರ್ವವಾಗಿ ಇವರ ಇತಿಹಾಸ ಮುಚ್ಚಿಟ್ಟಿದ್ದರು. ನಂತರ ದಿನಗಳಲ್ಲಿ ಸಿ.ಪಿ ಬ್ರೋನ್ ವೇಮನರ ಸಾಹಿತ್ಯವನ್ನು ಇಂಗ್ಲೀಷ್‌ಗೆ ಅನುವಾದ ಮಾಡಿದ್ದರಿಂದ ನಮಗೆ ಅವರ ಇತಿಹಾಸ ತಿಳಿಯಲು ಸಾಧ್ಯವಾಯಿತು. ಮುಂದಿನ ದಿನಗಳಲ್ಲಿ ವೇಮನರ ಕುರಿತು ಇನ್ನು ಹೆಚ್ಚಿನ ಸಂಶೋಧನೆ ಆಗಬೇಕು ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಸಂಜುರೆಡ್ಡಿ ಜಂಪ್ಪಾರವರು ದೇವಸ್ಥಾನದ ಭೂಮಿ ಖರೀದಿಗಾಗಿ ರೂಪದಲ್ಲಿ 10 ಲಕ್ಷ ರೂಪಾಯಿ ದೇಣಿಗೆ ನೀಡಿದರು.ಇತ್ತೀಚಿಗೆ ನಡೆದ ಪಿಕೆಪಿಎಸ್ ಹಾಗೂ ಗ್ರಾಮ ಪಂಚಾಯತಿಗಳ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ವಿಜೇತರಾದವರಿಗೆ ಹಾಗೂ ಸರ್ಕಾರಿ ಉದ್ಯೋಗದಿಂದ ನಿವೃತ್ತಿ ಹಾಗೂ ಪದೋನ್ನತಿ ಹೊಂದಿದ್ದವರಿಗೆ ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ನಗರ ಸಭೆ ಅಧ್ಯಕ್ಷ ಮೊಹ್ಮದ್ ಗೌಸ್, ಜಿಲ್ಲಾ ಪಂಚಾಯತ್ ಯೋಜನಾ ನಿರ್ದೇಶಕ ಜಗನ್ನಾಥ ಮೂರ್ತಿ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಸಿದ್ರಾಮ ಸಿಂಧೆ, ಎನ್. ಬಿ. ರೆಡ್ಡಿ ಸ್ವಾಮಿಜಿ, ರೆಡ್ಡಿ ಸಮಾಜದ ಅಧ್ಯಕ್ಷ ಶಂಕರರೆಡ್ಡಿ ಚಿಟ್ಟಾ, ಕಾರ್ಯದರ್ಶಿ ಗೋಪಾಲರೆಡ್ಡಿ, ಉಪಾಧ್ಯಕ್ಷ ರಾಜರೆಡ್ಡಿ ಸಮಾಜದ ಮುಖಂಡರಾದ ಸಂಜುರೆಡ್ಡಿ ಜಂಪ್ಪಾ, ರಾಜು ಚಿಂತಾಮಣಿ, ಸಂಗ್ರಾಮರೆಡ್ಡಿ, ಸಂಚಾಲಕ ಡಾ. ಶ್ರೀನಿವಾಸ್ ರೆಡ್ಡಿ, ಓಂರೆಡ್ಡಿ, ಸಮಾಜದ ಬಂದುಗಳು ಸೇರಿದಂತೆ ಇತರರು ಉಪಸ್ಥಿತರಿದ್ದರು.

SHODHAVANI KANNADA DAILY 20-01-2025

http://shodhavani.in/#/e-paper ಶೋಧವಾಣಿ ಕನ್ನಡ ದಿನಪತ್ರಿಕೆ ಓದಲು ಇ ಲಿಂಕ್ ಮೇಲೆ ಕ್ಲಿಕ್ ಮಾಡಿ. ಎಲ್ಲಾ ಸುದ್ದಿಯನ್ನು ಓದಿ. ಹಾಗೇ ದಯವಿಟ್ಟು ನಮ್ಮ ಚಾನೆಲ್ ಸದಸ್ಯರಾಗಿ ಪ್ರೋತ್ಸಾಹ ನೀಡಿ. ನಿಮ್ಮ ಆತ್ಮೀಯ ಸ್ನೇಹಿತರಿಗೆ ಲಿಂಕ್ ಶೇರ ಮಾಡಿ. ಕಾಮೆಂಟ್ ಮಾಡಿ. ಲೈಕ್ ಮಾಡಿ. ಪ್ರೋತ್ಸಾಹ ನೀಡಿ. ಧನ್ಯವಾದಗಳು

ಕಲ್ಯಾಣ ಕರ್ನಾಟಕ ಈಡಿಗ ಪ್ರಮುಖರ ಸಭೆಯಲ್ಲಿ ಎಚ್ಚರಿಕೆ: ಬಜೆಟ್ ನಲ್ಲಿ ಬೇಡಿಕೆ ಈಡೇರಿಸಿ ಇಲ್ಲವೇ ಹೋರಾಟದ ಬಿಸಿ ಎದುರಿಸಿ

ಕಲಬುರಗಿ : ರಾಜ್ಯದ ಈಡಿಗ ಬಿಲ್ಲವ ನಾಮಧಾರಿ ಸೇರಿದಂತೆ 26 ಪಂಗಡಗಳ ಬೇಡಿಕೆಗಳನ್ನು ಈ ಬಾರಿ ಬಜೆಟ್ ನಲ್ಲಿ ಘೋಷಿಸದಿದ್ದರೆ ಸರಕಾರವು ಸಮುದಾಯದ ಜನತೆಯ ಉಗ್ರ ಹೋರಾಟದ ಬಿಸಿಯನ್ನು ಎದುರಿಸಬೇಕಾಗುತ್ತದೆ ಎಂದು ಕಲ್ಯಾಣ ಕರ್ನಾಟಕದ ಏಳು ಜಿಲ್ಲೆಗಳ ಈಡಿಗ ನಾಯಕರ ಸಭೆಯಲ್ಲಿ ಒಮ್ಮತದಿಂದ ನಿರ್ಣಯ ಅಂಗೀಕರಿಸಲಾಗಿದೆ. 

    ಕಲಬುರಗಿ ಜಗತ್ ವೃತದಲ್ಲಿರುವ ಆಮಂತ್ರಣ ಹೋಟೆಲ್ ಸಭಾಂಗಣದಲ್ಲಿ ಜನವರಿ 19ರಂದು ನಡೆದ ಕಲ್ಯಾಣ ಕರ್ನಾಟಕ ಆರ್ಯ ಈಡಿಗ ಜಿಲ್ಲಾ, ತಾಲೂಕು ಪದಾಧಿಕಾರಿಗಳ ಹಾಗೂ ಸಮಾಜದ ಮುಖಂಡರ ಸಭೆಯಲ್ಲಿ 13 ಬೇಡಿಕೆಗಳ ಒಮ್ಮತದ ನಿರ್ಣಯವನ್ನು ಅಂಗೀಕರಿಸಲಾಗಿದೆ. 

   ಚಿತ್ತಾಪುರ ತಾಲೂಕು ಬ್ರಹ್ಮ ಶ್ರೀ ನಾರಾಯಣ ಗುರು ಶಕ್ತಿಪೀಠದ ಪೂಜ್ಯರು ಹಾಗೂ ಈಡಿಗ ಸಮಾಜದ ಗುರುಗಳಾದ ಡಾ. ಪ್ರಣವಾನಂದ ಸ್ವಾಮೀಜಿಯವರ ಸಮ್ಮುಖದಲ್ಲಿ ನಡೆದ ಸಭೆಯಲ್ಲಿ ಒಟ್ಟು 12 ನಿರ್ಣಯಗಳನ್ನು ಅಂಗೀಕರಿಸಲಾಗಿದೆ. ಕಾಂಗ್ರೆಸ್ ಸರ್ಕಾರ ಅಧಿಕಾರಕ್ಕೆ ಬಂದು ಎರಡು ಬಜೆಟ್ ಮಂಡನೆಯಾದರೂ ಈಡಿಗ ಸಮುದಾಯಕ್ಕೆ ನಯಾ ಪೈಸೆ ಯ ಅನುದಾನ ಸಿಕ್ಕಿಲ್ಲ ಬ್ರಹ್ಮಶ್ರೀ ನಾರಾಯಣ ಗುರು ಈಡಿಗ ನಿಗಮಕ್ಕೆ 500 ಕೋಟಿ ರೂಪಾಯಿ ನಿಗದಿಪಡಿಸಬೇಕು ಹಾಗೂ ನಿಗಮಕ್ಕೆ ಅಧ್ಯಕ್ಷರು ಮತ್ತು ನಿರ್ದೇಶಕರನ್ನು ಕೂಡಲೇ ಘೋಷಣೆ ಮಾಡಬೇಕು. ಸೇಂದಿ ಇಳಿಸುವ ಕುಲಕಸುಬು ಕಳೆದುಕೊಂಡ ಸಮುದಾಯದ ಜನರಿಗೆ ಪುನರ್ವಸತಿ ಕೂಡಲೇ ಘೋಷಣೆ ಮಾಡಬೇಕು ಹಾಗೂ ಸರಕಾರದಿಂದ ತಲಾ ಎರಡು ಎಕರೆ ಜಮೀನು ನೀಡಿ ಸೇಂದಿ ಗಿಡ ಬೆಳೆಸಲು ಅನುಮತಿ ನೀಡಬೇಕು. ರಾಜ್ಯ ಸರ್ಕಾರವು ಈ ಹಿಂದೆ ಘೋಷಣೆ ಮಾಡಿದ ಕುಲಶಾಸ್ತ್ರೀಯ ಅಧ್ಯಯನದ 25 ಲಕ್ಷ ರೂಪಾಯಿಯನ್ನು ಬಿಡುಗಡೆ ಮಾಡಿ ಕೂಡಲೇ ಅಧ್ಯಯನ ಪ್ರಾರಂಭಿಸಬೇಕು. ಗುಲ್ಬರ್ಗ ವಿಶ್ವವಿದ್ಯಾಲಯ ಸೇರಿದಂತೆ ರಾಜ್ಯದಲ್ಲ ವಿಶ್ವವಿದ್ಯಾಲಯಗಳಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರು ಅಧ್ಯಯನ ಪೀಠ ಆರಂಭಿಸಬೇಕು. ವಿಧಾನಸೌಧದ ಆವರಣದಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರುಗಳ ಪ್ರತಿಮೆ ಸ್ಥಾಪಿಸಬೇಕು, ಈಡಿಗ ಬಿಲ್ಲವ ನಾಮಧಾರಿ ಸೇರಿದಂತೆ 26 ಪಂಗಡಗಳಿಗೆ ಪ್ರತಿ ತಾಲೂಕಿನಲ್ಲಿ ಕನಿಷ್ಠ ಒಂದು ಎಕರೆ ಸರಕಾರಿ ಭೂಮಿ ನೀಡಿ ಸಮಾಜದ ಕೆಲಸ ಕಾರ್ಯಕ್ಕೆ ಬಳಸುವಂತೆ ಹಣಕಾಸು ನೆರವು ಮಂಜೂರು ಮಾಡಬೇಕು. ಮಹಾರಾಷ್ಟ್ರ, ತೆಲಂಗಾಣ, ಕೇರಳ ಹಾಗೂ ಕರ್ನಾಟಕದ ದಕ್ಷಿಣ ಕನ್ನಡ ಜಿಲ್ಲೆ ಮತ್ತು ಉಡುಪಿ ಜಿಲ್ಲೆಗಳಲ್ಲಿ ಈಗ ಇರುವಂತೆ ಸೇಂದಿ ನೀರಾ ಇಳಿಸಲು ಇಡೀ ರಾಜ್ಯದಲ್ಲಿ ಅನುಮತಿ ನೀಡಬೇಕು. ಕಲ್ಯಾಣ ಕರ್ನಾಟಕದ ಏಳು ಜಿಲ್ಲೆಗಳಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರುಗಳ ಹೆಸರಿನಲ್ಲಿ ವಸತಿಯುತ ಹಾಸ್ಟೆಲ್ ಪ್ರಾರಂಭಿಸಬೇಕು ಹಾಗೂ ಇದಕ್ಕೆ ಕೆಕೆಆರ್‌ಡಿಬಿಯಿಂದ ಅನುದಾನ ಒದಗಿಸಬೇಕು. ಕಲ್ಯಾಣ ಕರ್ನಾಟಕ ಭಾಗದ ಸಮುದಾಯದ ಪದವೀಧರ ವಿದ್ಯಾರ್ಥಿಗಳಿಗೆ ಸಿಮೆಂಟ್ ಕಂಪೆನಿ ಸೇರಿದಂತೆ ಇಲ್ಲಿನ ಕೈಗಾರಿಕೆಗಳಲ್ಲಿ ಉದ್ಯೋಗ ಅವಕಾಶಗಳನ್ನು ನೀಡಬೇಕು. ಬಜೆಟ್ ವೇಳೆ ಸಮುದಾಯದ ಬೇಡಿಕೆಗಳ ಮನವಿಯನ್ನು ಸಲ್ಲಿಸಲು ಮುಖ್ಯಮಂತ್ರಿಗಳ ಬಳಿಗೆ ನಿಯೋಗ ಕೊಂಡೊಯ್ಯುವುದು. ಈ ಸಾಲಿನ ಬಜೆಟ್ ನಲ್ಲಿ ಬೇಡಿಕೆಗಳನ್ನು ಈಡೇರಿಸದಿದ್ದರೆ ರಾಜ್ಯಾದ್ಯಂತ ಉಗ್ರ ಹೋರಾಟಕ್ಕೆ ಸಜ್ಜಾಗುವುದು. ಕಲಬುರ್ಗಿಯಲ್ಲಿ ಶೀಘ್ರದಲ್ಲೆ ಈಡಿಗ ಮತ್ತು ಅತಿ ಹಿಂದುಳಿದ ವರ್ಗಗಳ ಸಮಾವೇಶವನ್ನು ನಡೆಸುವುದು ಮತ್ತು ಕಲ್ಯಾಣ ಕರ್ನಾಟಕದಲ್ಲಿ ಅವಧಿ ಪೂರ್ಣಗೊಳಿಸಿದ ಆರ್ಯ ಈಡಿಗ ಸಮಾಜದ ಅಧ್ಯಕ್ಷರು ಹಾಗೂ ಪದಾಧಿಕಾರಿಗಳ ಪುನರ್ ರಚನೆ ಮಾಡಲಾಗುವುದು ಎಂದು ನಿರ್ಣಯ ಕೈಗೊಳ್ಳಲಾಯಿತು. ಡಾ. ಸದಾನಂದ ಪೆರ್ಲ ಮಂಡಿಸಿದ ನಿರ್ಣಯವನ್ನು ಯುವ ಮುಖಂಡರಾದ ಬಾಲರಾಜ್ ಗುತ್ತೇದಾರ್ ಅನುಮೋದನೆ ಮಾಡಿ ಒಪ್ಪಿಗೆ ಪಡೆಯಲಾಯಿತು. 

---_--------------------------

ಪ್ರಾಮಾಣಿಕ ಸ್ಪಂದನೆ ನೀಡಿ ಸಮುದಾಯದ ಕಲ್ಯಾಣ ಮಾಡಿ: ಡಾ.ಪ್ರಣವಾನಂದ ಶ್ರೀ

ರಾಜ್ಯದ ಹಿಂದುಳಿದ ಸಮಾಜವಾದ ಈಡಿಗ ಸೇರಿದಂತೆ 26 ಪಂಗಡಗಳ ನ್ಯಾಯೋಚಿತ ಬೇಡಿಕೆಗಳನ್ನು ಪರಿಗಣಿಸಿ ಶೀಘ್ರ ಅನುಷ್ಠಾನ ಉಳಿಸಿ ಸಮುದಾಯದ ಕಲ್ಯಾಣ ಮಾಡಬೇಕು. ಸಮುದಾಯದ ಜನರ ನೋವಿಗೆ ರಾಜ್ಯ ಸರ್ಕಾರವು ಸ್ಪಂದನೆ ನೀಡುವ ವಿಶ್ವಾಸವಿದೆ ಎಂದು ಡಾ. ಪ್ರಣವಾನಂದ ಶ್ರೀಗಳು ತಿಳಿಸಿದರು. 

 ಕಲ್ಯಾಣ ಕರ್ನಾಟಕ ಈಡಿಗ ಸಮುದಾಯದ ಪ್ರಮುಖರ ಸಭೆಯನ್ನು ಎಲ್ಲಮ್ಮ ದೇವಿ, ಬ್ರಹ್ಮಶ್ರೀ ನಾರಾಯಣ ಗುರು ಹಾಗೂ ಶರಣ ಹೆಂಡದ ಮಾರಯ್ಯ ಅವರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ನೆರವೇರಿಸಿದ ನಂತರ ಮಾತನಾಡುತ್ತ ಈ ಹಿಂದಿನ ಎರಡು ಬಜೆಟ್ ಗಳಲ್ಲಿ ರಾಜ್ಯ ಸರ್ಕಾರವು ಸಮುದಾಯಕ್ಕೆ ಪಂಗನಾಮ ಹಾಕಿದ್ದು ಮುಂದಿನ ಬಜೆಟ್ ನಲ್ಲಿ ಬೇಡಿಕೆಗಳನ್ನು ಈಡೇರಿಸಿ ಹಿಂದುಳಿದ ವರ್ಗವನ್ನು ಮೇಲೆತ್ತಬೇಕು ಎಂದು ಆಗ್ರಹಿಸಿದರು. ಇಲ್ಲವಾದಲ್ಲಿ ಕಲ್ಯಾಣ ಕರ್ನಾಟಕ ಭಾಗದ ಪ್ರಮುಖರ ಸಭೆಯಲ್ಲಿ ಕೈಗೊಂಡ ನಿರ್ಣಯದಂತೆ ರಾಜ್ಯಾದ್ಯಂತ ಉಗ್ರ ಹೋರಾಟಕ್ಕೆ ರೂಪುರೇಷೆ ಸಿದ್ದಪಡಿಸಲಾಗುವುದು. ಈಡಿಗ ಸಮಾಜವು ಯಾವುದೇ ಸರಕಾರ ಅಥವಾ ಪಕ್ಷಗಳ ವಿರೋಧಿಯಲ್ಲ ಬದಲಾಗಿ ಸಮುದಾಯದ ಹಿತದೃಷ್ಟಿಯಿಂದ ಕಾರ್ಯನಿರ್ವಹಿಸುತ್ತಿದೆ. ಮುಂದಿನ ದಿನಗಳಲ್ಲಿ ತಮ್ಮ ನೇತೃತ್ವದಲ್ಲಿ ಹಿರಿಯರ ತಂಡವು ಕಲ್ಯಾಣ ಕರ್ನಾಟಕ ಭಾಗದ 58 ತಾಲೂಕುಗಳಲ್ಲಿ ಪ್ರವಾಸ ಮಾಡಿ ಸಂಘಟನೆ ಮಾಡಲಾಗುವುದು ಎಂದರು. ಸಮುದಾಯದ ಬಗ್ಗೆ ಯಾವುದೇ ಒಡಕಿನ ಮಾತುಗಳನ್ನಾಡದೆ ಎಲ್ಲರೂ ಒಗ್ಗಟ್ಟಿನಿಂದ ಸಮುದಾಯದ ಅಭಿವೃದ್ಧಿಗೆ ಶ್ರಮಿಸಬೇಕು. ಯಾವುದೇ ಟೀಕೆ ಟಿಪ್ಪಣಿಗಳಿಗೆ ಸ್ಪಂದಿಸದೆ ಈಡಿಗ ಸಮುದಾಯದ ಮಕ್ಕಳ ಭವಿಷ್ಯಕ್ಕೆ ನಾವೆಲ್ಲರೂ ಕಂಕಣಬದ್ಧರಾಗಬೇಕು. ಸಮುದಾಯದ ಬಗ್ಗೆಯಾಗಲಿ ಅಥವಾ ಸ್ವಾಮೀಜಿಯವರ ಬಗ್ಗೆಯಾಗಲಿ ನಿಕೃಷ್ಟವಾಗಿ ಮಾತನಾಡಿ ಮಾನಹಾನಿ ಮಾಡುವುದರ ವಿರುದ್ಧ ಇಡೀ ಸಮಾಜ ಎದ್ದು ನಿಲ್ಲುತ್ತದೆ. ಅಂತಹ ಶಕ್ತಿಗಳು ಪ್ರತಿಭಟನೆಯನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು. 

     ಈ ವಿಶೇಷ ಚರ್ಚಾ ಸಭೆಯಲ್ಲಿ ಮಾಜಿ ಶಾಸಕರಾದ ಸುಭಾಷ್ ಆರ್ ಗುತ್ತೇದಾರ್, ಸತೀಶ್ ವಿ ಗುತ್ತೇದಾರ್, ಬಾಲರಾಜ್ ಗುತ್ತೇದಾರ್, ಡಾ. ರಾಜಶೇಖರ ಸೇಡಂಕರ್ ಬೀದರ ,ಇ ಎನ್ ಕೃಷ್ಣಮೂರ್ತಿ, ಡಾ. ಸದಾನಂದ ಪೆರ್ಲ ಬಳ್ಳಾರಿ, ಅಶೋಕ್ ಯಾದಗಿರಿ ನಾಗಯ್ಯ ಗುತ್ತೇದಾರ್ ಚಿತ್ತಾಪುರ, ಸುನಿಲ್ ರಾಯಚೂರು ಶೇಖರ್ ಗಾರಂಪಳ್ಳಿ ಚಿಂಚೋಳಿ, ರಾಜಕುಮಾರ್ ಗುತ್ತೇದಾರ್, ದೇವೇಂದ್ರಪ್ಪ ಗುತ್ತೇದಾರ್, ಮಲ್ಲಿಕಾರ್ಜುನ ಹುಣಸಗಿ, ಸಂಗಯ್ಯ ಸುಲ್ತಾನ್ ಪುರ್ ಶಂಕರ್ ಲೀಡರ್ ಮಾತನಾಡಿ ದರು. ವೆಂಕಟೇಶ ಗೂಂಡಾ, ರಾಜೇಶ್ ಗುತ್ತೇದಾರ್, ವೆಂಕಟೇಶ ಕಡೇ ಚೂರ್, ಮಹೇಶ ಗುತ್ತೇದಾರ್ ಸೇರಿದಂತೆ ಕಲ್ಯಾಣ ಕರ್ನಾಟಕ ಭಾಗದ ಈಡಿಗ ಸಮುದಾಯದ ಸುಮಾರು 175 ರಷ್ಟು ಪ್ರಮುಖರು ಪಾಲ್ಗೊಂಡಿದ್ದರು.

***********

ಡಾ. ಪ್ರಣವಾನಂದ ಶ್ರೀಗಳು ಈಡಿಗ ಸಮಾಜದ ಶಕ್ತಿಯಾಗಿದ್ದು ಅವರ ನೇತೃತ್ವದ ಎಲ್ಲಾ ಕಾರ್ಯಗಳಿಗೆ ಕಲ್ಯಾಣ ಕರ್ನಾಟಕ ಭಾಗದಿಂದ ಶಕ್ತಿ ತುಂಬುವ ಕೆಲಸ ಆಗಬೇಕಾಗಿದೆ. ಈ ಭಾಗದ ಸಮುದಾಯದ ಜನರು ಬೇಡಿಕೆ ಈಡೇರಿಕೆಗಾಗಿ ಸಂಧಾನಕ್ಕೂ ಸೈ ಹೋರಾಟಕ್ಕೂ ಸೈ. 

*ಸತೀಶ್ ವಿ ಗುತ್ತೇದಾರ್, ಅಧ್ಯಕ್ಷರು ಕಲ್ಯಾಣ ಕರ್ನಾಟಕ ಆರ್ಯ ಈಡಿಗ ಹೋರಾಟ ಸಮಿತಿ*

-------------------

ಈಡಿಗ ಸಮುದಾಯ ಒಗ್ಗಟ್ಟನ್ನು ಕಾಪಾಡಿಕೊಂಡು ಕುಲಕಸುಬು ಮರಳಿ ಪಡೆಯಲು ಒಕ್ಕೊರಳಿನಿಂದ ಧ್ವನಿ ಎಬ್ಬಿಸಿ ಹೋರಾಟ ಮಾಡಬೇಕಲ್ಲದೆ ಈಡಿಗ ವಿರೋಧಿ ನೀತಿಯನ್ನು ಅನುಸರಿಸುವ ಸರಕಾರಕ್ಕೆ ಬಿಸಿ ಮುಟ್ಟಿಸಬೇಕಾಗಿದೆ. ಅನಿವಾರ್ಯವಾದರೆ "ಬೆಂಗಳೂರು ಚಲೋ" ಕೂಡ ನಡೆಸಲು ಸಿದ್ದರಾಗ ಬೇಕಾಗುತ್ತದೆ. ಸರಕಾರದ ಮದ್ಯದ ಅಂಗಡಿ ಎಂಎಸ್ಐಎಲ್ ನಲ್ಲಿ ಕುಲಬ ಕಸುಬು ಕಳೆದುಕೊಂಡವರಿಗೆ ನೌಕರಿಗೆ ನೇಮಿಸಬೇಕು. ಇದಕ್ಕಾಗಿ ಸೇಂದಿ ಕುಲಕಸುಬು ಕಳೆದುಕೊಂಡವರು ಶಕ್ತಿಯುತ ಹೋರಾಟ ಮಾಡಿ.ಅದಕ್ಕಾಗಿ ನಾಯಕರ ಮೇಲೆ ಕೂಡಾ ಒತ್ತಡ ಹೇರಬೇಕು. ಬೇಡಿಕೆಗಳ ಕುರಿತಾಗಿ ನಿತ್ಯ ಸರಕಾರಕ್ಕೆ ಅರ್ಜಿಗಳನ್ನು ಬರೆಯಬೇಕು.

*ಬಾಲರಾಜ್ ಗುತ್ತೇದಾರ್ ಜಿಲ್ಲಾಧ್ಯಕ್ಷರು ಜೆಡಿಎಸ್*

------------------------------

ಹಿಂದುಳಿದ ಈಡಿಗ ಸಮುದಾಯದ ಕಲ್ಯಾಣಕ್ಕಾಗಿ ಇಂತಹ ಮಹತ್ವದ ಸಭೆ ನಡೆಸಿ ನಿರ್ಣಯ ಅಂಗೀಕರಿಸಿದ್ದನ್ನು ಸರಕಾರ ಗಂಭೀರವಾಗಿ ಪರಿಗಣಿಸಿ ಬೇಡಿಕೆ ಈಡೇರಿಸಬೇಕು ಈಡಿಗ ಸಮುದಾಯದ ಸಂಘಟನೆ ಬಲಗೊಂಡು ಪ್ರತಿ ಜಿಲ್ಲೆಗಳಲ್ಲಿ ಈಡಿಗ ಸಮಾಜದ ಸಮಿತಿ ಪುನರ್ ರಚನೆಗೊಳ್ಳಬೇಕು ಸಮುದಾಯದ ಎಲ್ಲಾ ಹೋರಾಟಗಳಿಗೆ ಪೂರ್ಣ ಬೆಂಬಲವಿದೆ.

...ಸುಭಾಷ್ ಆರ್ ಗುತ್ತೇದಾರ್ ಮಾಜಿ ಶಾಸಕರು ಅಳಂದ

ಅಲ್ಪಸಂಖ್ಯಾತರ ಸಮುದಾಯದ ಕುಂದು ಕೊರತೆಗಳು ಹಂತ ಹಂತವಾಗಿ ಬಗೆಹರಿಸಲಾಗುವುದು-ಇಕ್ಬಾಲ್‌ಸಿಂಗ್

;ಅವರು ಇಂದು ಜಿಲ್ಲಾಧಿಕಾರಿಗಳ ಕಛೇರಿಯಲ್ಲಿ ನವದೆಹಲಿಯ ರಾಷ್ಟಿçÃಯ ಅಲ್ಪಸಂಖ್ಯಾತರ ಆಯೋಗದ ಅಧ್ಯಕ್ಷರಾದ ಇಕ್ಬಾಲ್‌ಸಿಂಗ್ ಲಾಲಪುರಾ ಅವರ ಅಧ್ಯಕ್ಷತೆಯಲ್ಲಿ ನಡೆದ ಎಲ್ಲಾ ಸಮುದಾಯದ ಮುಖಂಡರೊAದಿಗೆ ಸಭೆಯಲ್ಲಿ ಮಾತನಾಡಿದರು.

 ಅಲ್ಪಸಂಖ್ಯಾತರ ಸಮುದಾಯಗಳಾದ ಮುಸ್ಲಿಂ, ಕ್ರಿಶ್ಚಿಯನ್, ಸಿಖ್, ಬೌದ್ಧ, ಜೈನ್ ಮತ್ತು ಪಾರ್ಸಿ ಜನಾಂಗದವರಿಗೆ ಅನೇಕ ಸೌಲಭ್ಯಗಳಿದ್ದು ಅವುಗಳ ಸದುಪಯೋಗ ಮಾಡಿಕೊಳ್ಳುವಂತೆ ಅಧ್ಯಕ್ಷರು ತಿಳಿಸಿದರು. ಭಾರತವು ಪ್ರಪಂಚದಲ್ಲಿಯೇ ಸಹಿಷ್ಟಂತೆ ಹೊಂದಿರುವ ಏಕೈಕ ದೇಶವಾಗಿದ್ದು, ನಾವೆಲ್ಲರೂ ಒಂದಾಗಿ, ಸುರಕ್ಷಿತರಾಗಿ ದೇಶದ ಏಳ್ಗೆಗಾಗಿ ವಿಚಾರ ಮಾಡಿದರೆ ದೇಶದ ಅಭಿವೃದ್ಧಿಯಾಗುವುದರಲ್ಲಿ ಸಂಶಯವಿಲ್ಲ ಎಂದು ತಿಳಿಸಿದರು.

 ಅಲ್ಪಸಂಖ್ಯಾತರನ್ನು ಎಲ್ಲಾ ಹಂತಗಳಲ್ಲಿ ಸ್ಥಾನಮಾನಗಳು ಸಿಗುತ್ತಿದ್ದು ಉನ್ನತ ಸ್ಥಾನದಲ್ಲಿರುವವರು ಕ್ರೀಯಾಶೀಲರಾಗಿ ಕರ್ತವ್ಯ ನಿರ್ವಹಿಸಿದ್ದಲ್ಲಿ ಯೋಜನೆಗಳಲ್ಲಿ ಪಾರದರ್ಶಕತೆಯನ್ನು ತರಲು ಸಾಧ್ಯ ಎಂದು ಅಭಿಪ್ರಾಯಪಟ್ಟರು. ಹಾಗೂ ಜಿಲ್ಲಾ ಹಂತದ ಸಮಸ್ಯೆ ಮತ್ತು ಕುಂದು ಕೊರತೆಗಳನ್ನು ಆಯಾ ಅಧಿಕಾರಿಗಳಿಗೆ ಭೇಟಿ ಮಾಡಿಕೊಂಡು ಬಗೆಹರಿಸಿಕೊಳ್ಳಲು ಸೂಚಿಸಿದರು.

 ಬೀದರ ಜಿಲ್ಲೆ ಎಲ್ಲಾ ಧರ್ಮದವರಿಂದ ಕೂಡಿದ್ದು ಇದು ಏಕತೆ ನಾಡಾಗಿದೆ. ಇಲ್ಲಿರುವ ಏಕತಾಭಾವ ಎಲ್ಲಾ ಗಡಿಭಾಗದ ರಾಜ್ಯಗಳಲ್ಲಿ ಪಸಲಿಸಲಿ ಎಂದು ಹಾರೈಸಿದರು.

ಸಭೆಯಲ್ಲಿ ಭಾಗವಹಿಸಿದ ಎಲ್ಲಾ ಮುಖಂಡರುಗಳು ವಿವಿಧ ರೀತಿಯಲ್ಲಿ ಸಮುದಾಯವರು ಅನುಭವಿಸುತ್ತಿರುವ ಸಮಸ್ಯೆಗಳು ಮತ್ತು ಕುಂದು ಕೊರತೆಗಳ ಬಗ್ಗೆ ತಮ್ಮ ಅಹವಾಲುಗಳನ್ನು ನೀಡಿದರು.

 ಈ ಸಭೆಯಲ್ಲಿ ಅಪರ ಜಿಲ್ಲಾಧಿಕಾರಿಗಳಾದ ಶಿವಕುಮಾರ ಶೀಲವಂತ, ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ಅಧಿಕಾರಿಗಲು ಮತ್ತು ಸಮುದಾಯದ ಮುಖಂಡರು ಉಪಸ್ಥಿತರಿದ್ದರು.